In dieser Angelegenheit

Ráákgesien deur dié lens
Ons is baie opgewonde oor dié uitgawe van Kerkbode waarin Neels Jackson die storie vertel van 'n gemeente in Brakpan wat 'n fotoprojek begin het, wat soveel meer geword het. In die gedrukte koerant gebruik ons vier blaaie om die foto's - wat beelde van waardigheidsherstel vir haweloses is - van Laetitia Kenny en Nico Grobbelaar te vertoon.

Springbokoorwinning: Lesse te leer
Daar sal seker nog baie geskryf word oor die leierskapslesse wat ons kan leer uit die Springbokke se triomf in die Wêreldbekerfinaal. Lourens Bosman bied ’n paar uit die perspektief van ’n gestuurde kerk.

Leraarsprofiel: Almatine Leene
Ds Almatine Leene het as Nederlander haar doktorsgraad in teologie aan Stellenbosch kom doen en nooit weer permanent na haar geboorteland teruggekeer nie. Conette le Roux oorkant Almatine gaan sit en na dié se belewenis van predikantwees in Suid-Afrika gaan luister.

KERKBODE Newspaper Description:

Kerkbode is deesdae ewe tuis op die virtuele rakke van die digitale wêreld se app-winkels as in die voorportale van byna 400 gemeentes wat getrou inteken op die koerant se gedrukte weergawe.

Ons weet Kerkbode-lesers wil, tesame met die lekkerlees-ervaring van die papierkoerant wat 18 keer per jaar verskyn, ook deur die week op hoogte bly van vuurwarm kerknuus en die jongste vakatures. As volwaardige multiplatform-kerknuusdiens is dit ons doel om aan daardie behoefte te voldoen.