હાડકાના ઓપરેશન માટે પરિવાર સાથે મળીને મહિલાને લૂંટી લીધી

પોલીસે 100 CCTV તપાસીને મહિલા સહિતના આરોપીઓ પકડ્યા

- 

અસલાલીમાં થોડા દિવસો પહેલા એક મહિલા પ્રસંગમાં જવા માટે જે રિક્ષામાં બેઠી તે રિક્ષામાં બેઠેલા શખ્સોએ તેને અવાવરૂ જગ્યાએ લઇ જઇને કેફી પીણું પીવડાવી બેભાન કરીને રૂ. 3.60 લાખના દાગીના લૂંટી લીધા હતા. પોલીસે ગુનેગારોને પકડવા આશરે 100 CCTV તપાસીને ચાર આરોપીને ઝડપી પાડ્યા છે. આરોપીઓની પૂછપરછમાં સામે આવ્યું કે, મુખ્ય આરોપીએ ગળા પાસે ખસી ગયેલા હાડકાનું ઓપરેશન કરાવવા અને નવી લીધેલી રિક્ષાના હપ્તા ભરવા માટે પત્ની, સાળા અને મિત્ર સાથે મળીને લૂંટ ચલાવી હતી.