திருவாரூர்: 'உங்களுடன் ஸ்டாலின்' திட்டத்தில் 185 முகாம்கள்

திருவாரூர் மாவட்டத்தில், 'உங்களுடன் ஸ்டாலின்' திட்டத்துக்காக 185 முகாம்கள் நடைபெறவுள்ளதாக மாவட்ட ஆட்சியர் வ. மோகனச்சந்திரன் தெரிவித்தார்.

- 

திருவாரூர், ஜூலை 14:

திருவாரூர் மாவட்ட ஆட்சியரக அலுவலக கூட்டரங்கில், 'உங்களுடன் ஸ்டாலின்' திட்ட முகாம் முன்னேற்பாட்டுப் பணிகள் தொடர்பாக செய்தியாளர்களிடம் ஆட்சியர் திங்கள்கிழமை தெரிவித்தது: மக்களின் குறைகளை நேரடியாக கேட்டறிந்து தீர்வுகாணும் வகையில், தமிழ்நாட்டில் உள்ள அனைத்து நகர்ப்புற மற்றும் ஊரகப் பகுதிகளில், 'உங்களுடன் ஸ்டாலின்' என்ற திட்டம் தொடங்கப்படுகிறது. மாநிலத்தில் கடைகோடி மக்களுக்கு, அரசுத் துறைகளின் சேவைகள், திட்டங்களை, அவர்கள் வசிக்கும் பகுதிக்கே சென்று வழங்குவது இத்திட்டத்தின் நோக்கமாகும்.