இந்தியா-அமெரிக்கா வர்த்தக ஒப்பந்தம்: ஆக. 25-இல் அடுத்தகட்ட பேச்சு

இந்தியா-அமெரிக்கா இடையேயான வர்த்தக ஒப்பந்தம் குறித்த அடுத்த சுற்றுப் பேச்சுவார்த்தைக்காக அமெரிக்க குழுவினர் ஆகஸ்ட் 25-ஆம் தேதி இந்தியா வரவுள்ளனர் என்று மத்திய அரசு அதிகாரி ஒருவர் செவ்வாய்க்கிழமை தெரிவித்தார்.

- 

புது தில்லி, ஜூலை 29:

பிரதமர் நரேந்திர மோடியின் கடந்த பிப்ரவரி மாத அமெரிக்க பயணத்தைத் தொடர்ந்து, இருதரப்பு வர்த்தக ஒப்பந்தத்துக்கான (பிடிஏ) பேச்சுவார்த்தை தொடங்கப்பட்டது. வரும் செப்டம்பர்-அக்டோபர் மாதத்துக்குள் முதல் கட்ட வர்த்தக ஒப்பந்தத்தை இறுதி செய்ய காலக்கெடு நிர்ணயிக்கப்பட்டிருந்தது. அதற்கு முன்னதாக, இரு தரப்பினரும் ஓர் இடைக்கால வர்த்தக ஒப்பந்தத்தை இறுதி செய்ய இருந்தனர்.

இந்தியா சார்பில் மத்திய வர்த்தக துறையின் சிறப்புச் செயலர் ராஜேஷ் அகர்வாலும், அமெரிக்கா சார்பில் தெற்கு மற்றும் மத்திய ஆசியாவுக்கான அந்நாட்டு உதவி வர்த்தக பிரதிநிதி பிரெண்டன் லிஞ்சும் பேச்சுவார்த்தை நடத்தினர்.