சநாதன விவகாரம்: உதயநிதி மீது புதிதாக வழக்குப் பதிவு செய்யத் தடை

சநாதன தர்மம் தொடர்பான பேச்சுக்காக தமிழக துணை முதல்வர் உதயநிதி ஸ்டாலினுக்கு எதிராக புதிதாக வழக்கு பதிவு செய்யக் கூடாது என உச்ச நீதிமன்றம் வியாழக்கிழமை உத்தரவிட்டது.

- நமது சிறப்பு நிருபர்

நமது சிறப்பு நிருபர் புது தில்லி, மார்ச் 6:

மேலும், வழக்கின் விசாரணையை ஒரே இடத்தில் நடத்துவது குறித்து முடிவெடுக்க ஏப். 21-ஆம் தேதிக்கு உச்சநீதிமன்றம் விசாரணையை ஒத்திவைத்தது.

இது தொடர்பான வழக்கு உச்ச நீதிமன்றத்தில் தலைமை நீதிபதி சஞ்சீவ் கன்னா, நீதிபதி சஞ்சய் குமார் ஆகியோர் அமர்வில் வியாழக்கிழமை விசாரணைக்கு வந்தது. அப்போது இந்த விவகாரத்தில், தன்மீது பதிவு செய்யப்பட்ட அனைத்து வழக்குகளையும் ஒன்றாக இணைத்து தமிழகத்தில் விசாரிக்க வேண்டும் என உதயநிதி சார்பில் வைக்கப்பட்ட கோரிக்கை தொடர்பான மனுவை இந்த அமர்வு விசாரணை மேற்கொண்டது.