இரு மாவட்டங்களில் ஸ்டெம் ஆய்வகங்கள்

அமைச்சர் கோவி.செழியன் அறிவிப்பு

- 

சென்னை, ஏப். 25: இரு மாவட்ட தலை நகரங்களில் ரூ. 20 கோடியில் 'ஸ்டெம்' (அறிவியல், தொழில்நுட்பம், பொறியியல், கணிதம்) ஆய்வகங்கள் அமைக்கப்படும் என உயர்கல்வித் துறை அமைச்சர் கோவி.செழியன் தெரிவித்தார்.

சட்டப்பேரவையில் வெள்ளிக்கிழமை நடைபெற்ற உயர்கல்வித் துறை மானியக் கோரிக்கை மீதான விவாதத்துக்கு பதிலளித்த அமைச்சர் கோவி.செழியன் முக்கிய அறிவிப்புகளை வெளியிட்டு பேசியது:

பாடத்திட்டத்துக்கு வெளியே மாணவர்கள் அனுபவ ரீதியாக வேறுவேறு அறிவியல் பரிசோதனை செய்து பார்க்கும் வகையில் 2 மாவட்ட தலை நகரங்களில் ரூ. 20 கோடியில் ஸ்டெம் ஆய்வகங்கள் அமைக்கப்படும். 5 அரசு பொறியியல் கல்லூரிகளில் திறன் ஆய்வகங்களும், 5 அரசு பலவகை தொழில்நுட்பக் கல்லூரிகளில் ஆளில்லா வான்கல பயிற்சி மையங்களும் நிறுவப்படும்.