சால்ட்-கோலி அதிரடியால் பெங்களூரு வெற்றி

7 விக்கெட் வித்தியாசத்தில் கொல்கத்தாவை வீழ்த்தியது

- 

கொல்கத்தா, மார்ச் 22: ஐபிஎல் 2025 தொடரின் முதல் ஆட்டத்தில் நடப்பு சாம்பியன் கொல்கத்தா நைட் ரைடர்ஸ் அணியை 7 விக்கெட் வித்தியாசத்தில் வீழ்த்தி முதல் வெற்றியை பதிவு செய்தது ராயல் சேலஞ்சர்ஸ் பெங்களூரு. வெறும் 16.2 ஓவர்களில் பெங்களூரு வெற்றி இலக்கை எட்டியது. கொல்கத்தா ஈடன் கார்டன் மைதானத்தில் கோலாகலமாக தொடங்கிய ஐபிஎல் தொடரில் பெங்களூரு அணி டாஸ் வென்று பௌலிங்கை தேர்வு செய்தது.

ஆரம்பமே அதிர்ச்சி: இதையடுத்து கொல்கத்தா தரப்பில் தொடக்க பேட்டர்களாக அதிர்ஷ்ட வீரர்கள் குயின்டன் டி காக்-சுனில் நரைன் களமிறங்கினர். ஹேஸல்வுட் பந்துவீச்சில் வெறும் நான்கு ரன்களுக்கு ஜிதேஷ் சர்மா விடம் கேட்ச் தந்து அவுட்டானார் குயின்டன் டி காக்.