மருந்துகளுக்கு டிரம்ப் 100% வரி

வாஷிங்டன் / புது தில்லி, செப். 26: அமெரிக்காவில் இறக்குமதி செய்யப்படும் மருந்துகளுக்கு 100 சதவீதம் வரி விதிக்க உள்ளதாக டொனால்ட் டிரம்ப் வியாழக்கிழமை தெரிவித்தார். இந்த வரி விதிப்பு நடைமுறை அக். 1-ஆம் தேதிமுதல் அமலுக்கு வரவுள்ளது.

- 

இந்த வரிவிதிப்பால் இந்தியாவுக்கு பெரிய அளவில் பாதிப்பு ஏற்படாது என மருந்து தயாரிப்பு துறை நிபுணர்கள் தெரிவித்தனர்.

இறக்குமதி மருந்துகளுக்கான வரி விதிப்பு குறித்து ட்ரூத் சமூக வலைதளத்தில் டிரம்ப் வெளியிட்ட பதிவில், 'மருந்துகளுக்கு அக். 1 முதல் 100 சதவீதம் வரி விதிக்கப்படவுள்ளது. எந்தவொரு நிறுவனத்தின் பிராண்டட் மற்றும் காப்புரிமை பெற்ற மருந்து பொருள்களுக்கு இந்த வரிவிதிப்பு பொருந்தும்.

ஆனால், அமெரிக்காவில் மருந்துகள் தயாரிப்பதற்கான ஆலையை கட்டமைப்பதற்கான பணிகளைத் தொடங்கிய நிறுவனங்களுக்கு இந்த வரி விதிப்பு பொருந்தாது.