அணுஆயுத அச்சுறுத்தலுக்கு இந்தியா அஞ்சாது

அணுஆயுத அச் சுறுத்தலுக்கு அஞ்சாமல், பயங்கர வாதிகளின் வீடுகளுக்குள் நுழைந்து தாக்கும் புதிய இந்தியா இது என்று பிரதமர் நரேந்திர மோடி தெரிவித்தார்.

- 

பாரத தாயின் மதிப்பு, பெருமை மற்றும் புகழைவிட வேறெதுவும் உயர்வானதல்ல என்றும் அவர் குறிப்பிட்டார்.

தனது 75-ஆவது பிறந்த தினமான புதன்கிழமை மத்திய பிரதேச மாநிலம், தார் பகுதியில் பொது நிகழ்ச்சியில் பங்கேற்ற பிரதமர் மோடி, மத்திய அரசின் 'ஆரோக்கியமான பெண்கள், வலிமையான குடும்பங்கள்' எனும் இரு வார கால பிரசார இயக்கம் மற்றும் தேசிய ஊட்டச்சத்து விழிப்புணர்வு மாத நிகழ்வுகளைத் தொடங்கிவைத்தார். இந்தப் பிரசார இயக்கத் தின்கீழ், பெண்களுக்காக ஒரு லட்சத்துக்கும் மேற்பட்ட மருத்துவ முகாம்கள் நடத்தப்பட உள்ளன.

மேலும், மகப்பேறு கால நிதியுதவித்திட்டத்தின்கீழ், சுமார் 10 லட்சம் பெண்களின் வங்கிக்கணக்கில் நேரடி பணப் பலன்களை வழங்கிய பிரதமர் மோடி, மகப்பேறு மற்றும் குழந்தைகள் நலன் தொடர்பான 'சுமன் சகி' என்ற பிரத்யேக 'சாட்பாட்' வசதியையும் தொடங்கிவைத்தார்.