ബിജുക്കുട്ടൻ ശുഭാപ്തി വിശ്വാസിയാണ്

ഹ്യൂമറിനും ഫാന്റസിക്കും പ്രാധാന്യമുള്ള ചിത്രമാണ് കള്ളന്മാരുടെ വീട്.

- എസ്. ദാസ് മാട്ടുമന്ത

ബിജുക്കുട്ടൻ സിനിമയിലെത്തിയിട്ട് പതിനഞ്ചുവർഷം പിന്നിടുന്നു. ബിജുക്കുട്ടൻ ആദ്യമായി നായകനായ മാക്കൊട്ടനെന്ന ചിത്രം അടുത്തിടെയാണ് തിയേറ്ററുകളിലെത്തിയത്.

യഥാർത്ഥത്തിൽ ബിജുക്കുട്ടൻ ശുഭാപ്തിവിശ്വാസിയാണ്. ദുരിത പൂർണ്ണമായ ജീവിതയാത്രയിൽ പുറമേക്ക് ആളുകളെ ചിരിപ്പിക്കുമ്പോഴും ഉള്ളിൽ ജീവിത പ്രാരാബ്ധങ്ങളുടെ നടുവിലൂടെ സഞ്ചരിച്ച് എല്ലാ സങ്കടങ്ങളെയും അതിജീവിച്ചാണ് ഈ ചെറുപ്പക്കാരൻ കലാരംഗത്ത് നിലയുറപ്പിച്ചത്. ആലുവ മിമി വോയ്സിന് പിറവി നൽകിയ ബിജുക്കുട്ടൻ കൊച്ചിൻ സായ്സിലും രസികയിലും സലിം കുമാറിന്റെ കൊച്ചിൻ സ്റ്റാലിയൻസിലും വിജയമുദ്ര പതിപ്പിച്ചാണ് സൂര്യ ടി.വിയിലെ സവാരി ഗിരിഗിരിയെന്ന ഹാസ്യ പരിപാടിയിലൂടെ സജീവമായത്.