સુરતનો ઝગમગાટ વધારશે આ અદ્યતન હીરાબજાર

આશરે 3૨૦૦ કરોડ રૂપિયાના ખર્ચે ૩૬ એકર વિસ્તારમાં પથરાયેલું ‘સુરત ડાયમંડ બુર્સ’ શરૂ થાય એ પહેલાં મુંબઈમાં એના નામે વિવાદ ઊભો કરવામાં આવી રહ્યો છે. એવું તે શું છે આ બુર્સમાં કે મુંબઈથી થતો રૂપિયા એક લાખ કરોડથી વધુનો હીરાનો વેપાર સુરત ચાલ્યા જવાનો ભય ઊભો થયો છે?

- ફયસલ બીલી (સુરત)

નવી સહસ્ત્રાબ્દીના અસ્તાચલે અમેરિકન પ્રમુખ બિલ ક્લિન્ટન ભારતની મુલાકાતે આવવાના હતા એ દરમિયાન એમની અવઢવ હતી કે બેંગલુરુ જવું કે હૈદરાબાદ. એ વખતે કર્ણાટક-આંધ્ર પ્રદેશ વચ્ચે કોને ત્યાં વેપારધંધા માટે કેટલી સુવિધા છે એ દર્શાવવાની રીતસરની સ્પર્ધા ચાલેલી.. કંઈક એવી જ કૉમ્પિટિશન હાલ મુંબઈ-સુરત હીરાબજાર વચ્ચે ચાલી રહી છે.