വീടിന് നൽകൂ..ഈസ്റ്റർ മൂഡ്

സമാധാനത്തിന്റെയും ഉയിർപ്പിന്റെയും സുന്ദരമായ ഈസ്റ്റർ ദിനത്തിൽ വീടിനു നൽകാം സ്പെഷൽ ടച്ച്

- രാഖി റാസ്

സമാധാനത്തിന്റെയും ഉയിർപ്പിന്റെയും സന്ദേശം ഓർമയിലുണർത്തുന്നതാണ് ഓരോ ഈസ്റ്ററും. വിശ്വാസപ്രാധാന്യമുള്ള ഈസ്റ്റർ ദിനത്തിൽ വീടിന് സ്പെഷൽ ടച്ച് നൽകാൻ ചില രസികൻ ഡെകോർ ആശയങ്ങൾ അറിയാം. കുട്ടികളെ കൂടി ഉൾപ്പെടുത്തി സ്വയം ഡെക്കോറുകൾ തയാറാക്കിയാൽ നല്ല ആക്ടിവിറ്റിയുമാകും ഇത്.

ഈസ്റ്റർ എഗ്സ്

ഈസ്റ്റർ ആഘോഷത്തിലെ പ്രധാന ചിഹ്നമാണ് ഈസ്റ്റർ എഗ്. പുനരുദ്ധാനത്തിന്റെയും പുതിയ ജീവിതത്തിന്റെയും പ്രതീകമാണവ.

ഈസ്റ്റർ മുട്ടകൾ വീട്ടിൽ തയാറാക്കുകയോ ഡെക്കോർ ചെയ്യുന്നവരിൽ നിന്നു വാങ്ങുകയോ ആകാം.

മുട്ട വേവിച്ച ശേഷം ഫുഡ് കളർ കലക്കിയ വെള്ളത്തിൽ കുറച്ചു സമയം മുക്കി വയ്ക്കുക. മുട്ട വെള്ളയുടുപ്പ് മാറ്റി ഓറഞ്ചോ മഞ്ഞയോ അണിയും. പെയിന്റ്, ഗ്ലിറ്റർ, സ്റ്റിക്കർ എന്നിവ ഉപയോഗിച്ച് മുട്ട കൂടുതൽ ഭംഗിയാക്കാം. മുട്ടയുടെ മോൾഡിലേക്ക് ചോക്ലേറ്റ് ഉരുക്കിയൊഴിച്ചും ഈസ്റ്റർ മുട്ടയുണ്ടാക്കാം. ഇതിനൊന്നും നേരമില്ലെങ്കിൽ റെഡിമെയ്ഡ് ഈസ്റ്റർ മുട്ടകൾ വാങ്ങാം. പ്ലാസ്റ്റിക്, വുഡ്, സിറാമിക്സ് തുടങ്ങി വിവിധ മെറ്റീരിയലുകളിലുള്ള ഈസ്റ്റർ എഗ്ഗ് വാങ്ങാൻ ലഭിക്കും.

ഈസ്റ്റർ ബണ്ണിസ്