പാർവതി ഫ്രം ശങ്കരാടി ഫാമിലി

സിനിമയിൽ വന്നതുകൊണ്ടല്ലേ ശങ്കരാടി എന്ന് ഒപ്പം ചേർത്തതെന്നു ചിലർ ചോദിക്കുന്നു. 'അല്ല' എന്നാണ് ഉത്തരം

- അഞ്ജലി അനിൽകുമാർ

എന്റെ കിളി പോയി

പ്രിൻസ് ആൻഡ് ഫാമിലിയിലേക്ക് എത്തിപ്പെടുന്നതു യാദൃച്ഛികമായിട്ടാണ്. ആദ്യം മറ്റൊരു കഥാപാത്രമാണ് എനിക്കു വേണ്ടി നിശ്ചയിച്ചിരുന്നത്. പിന്നീടാണ് മെറീനയാകുന്നത്.

ധ്യാൻ ചേട്ടന്റെ ജോഡിയാണെന്നറിഞ്ഞപ്പോൾ എന്റെ കിളി പോയി. നിങ്ങൾക്കു തെറ്റുപറ്റിയതല്ലല്ലോ എന്നുപോലും ടീമിനോടു ചോദിച്ചു. ദിലീപേട്ടനും സിദ്ദിഖ് ഇക്കയും അച്ഛൻ രാജൻ ശങ്കരാടിയുടെ സുഹൃത്തുക്കളാണ്. കുടുംബവുമായി നല്ല അടുപ്പമുണ്ട്.

ഡോൺ ജോസിന്റെ സൈക്കോ ത്രില്ലർ സിനിമയായ ടോണി സേവ്യറാണു റിലീസിനൊരുങ്ങുന്ന ചിത്രം. വളരെ ബോൾഡ് കഥാപാത്രമാണു ഹിമ ശങ്കർ എന്ന പൊലീസ് ഉദ്യോഗസ്ഥ. ഫൈറ്റ് സീനിനിടയിൽ ചെറിയ പരുക്കൊക്കെ സംഭവിച്ചെങ്കിലും പുതിയൊരു ജോണറിൽ അഭിനയിച്ചതിന്റെ സന്തോഷമുണ്ട്.

ജില്ലം പെപ്പെരെ എന്ന സിനിമയിലാണു ഞാൻ ആദ്യമായി നായികയാകുന്നത്. കോവിഡ് മൂലം ഷൂട്ട് പാതിവഴിയിൽ മുടങ്ങി, പിന്നീട് അഞ്ചക്കള്ളകോക്കാൻ ഉൾപ്പെടെ പത്തോളം സിനിമകളുടെ ഭാഗമായി.