അതിരുകൾക്കപ്പുറം പോകാം

ജന്മനാ ഒരു കയ്യുടെ പാതിയില്ലാതെ ജനിച്ച ആതിരയും ചെറുപ്പത്തിലേ ഒരു കാലിന്റെ പാതി നഷ്ടപ്പെട്ട പാത്തുവും അവരുടെ മാത്രമല്ല, മറ്റ് അനേകരുടേയും ശബ്ദമാണ്. അവർ ഒന്നേ പറയാൻ ആഗ്രഹിക്കുന്നുള്ളൂ. സമൂഹം ഞങ്ങളെ കൂടുതൽ ഉൾക്കൊള്ളണം

അരുതെന്ന വിലക്കില്ല: ആതിര ശ്രീകുമാർ

ജന്മനാ കൈ ഇങ്ങനെ തന്നെയായിരുന്നു. ഒരു വയസ്സാകും മുൻപേ അച്ഛൻ മരിച്ചു. സിംഗിൾ മദറിന്റെ മകളായാണു വളർന്നത്. അമ്മ ലേഖയും മാമ ൻ രാധാകൃഷ്ണനുമാണ് എന്റെ ഏറ്റവും വലിയ കരു ത്ത്. ഇതു ചെയ്യരുത്, അതു പറ്റില്ല എന്നൊന്നും അമ്മ ഇതേവരെ പറഞ്ഞിട്ടില്ല. അതാണെന്നെ മുന്നോട്ടു നയിച്ചതും.