തൊണ്ടയിൽ എന്തോ തടയുന്നുവോ ?

നാം കഴിക്കുന്ന ഭക്ഷണത്തിന്റെ ദൂഷ്യം കൊണ്ടോ ചിലപ്പോൾ അധിക സമയം വിശന്നിരിക്കുന്നതുകൊണ്ടോ വയറ്റിലുണ്ടാകുന്ന ചില രാസ പ്രക്രീയകളാണ് ഈ പ്രശ്നങ്ങൾക്ക് കാരണം

- ഡോ. അമ്മ ശ്രീ പാർവ്വതി കൺസൾട്ടന്റ് ENT, എസ്.യു.ടി.

എന്റെ തൊണ്ടയിൽ എന്തോ തടഞ്ഞിരിക്കുന്നു എന്ന പരാതിയുമായി ഒട്ടേറെ ആളുകൾ ഡോക്ടറെ സമീപിക്കാറുണ്ട്. ഉമിനീർ ഇറക്കുമ്പോൾ തടസ്സം, ഭക്ഷണം കഴിക്കാൻ ബുദ്ധിമുട്ട്, നെഞ്ചരിച്ചിൽ, ഓക്കാനം, കിടക്കുമ്പോൾ തൊണ്ടകുത്തിച്ചുമ ഇങ്ങനെ പോകുന്നു അവരുടെ പരാതികൾ.

ഈ ലക്ഷണങ്ങൾ മിക്കപ്പോഴും അസിഡിറ്റി കൊണ്ട് ഉണ്ടാവുന്നതും അതിനുളള ചികിത്സ നൽകിയാൽ മാറാവുന്നതുമേയുളളു. എന്നാൽ ഹൃദ്രോഗം മുതൽ കാൻസർ വരെ ഈ ലക്ഷണങ്ങൾക്ക് പിന്നിൽ ഉണ്ടെന്ന ഭയവുമായാണ് മിക്കവരും എത്തുന്നത്.