செல்லப்பிராணி பிரியரா நீங்கள்? இது உங்களுக்குத்தான்.….

சமீபத்தில் ஒரு தனியார் தொலைக்காட்சியின் பழைய நிகழ்ச்சி ஒன்றை பார்க்க நேர்ந்தது. அதில் எனக்குக் கிடைத்தது ஆச்சர்யமும் அதிர்ச்சியும் அதாவது வளர்ப்புப் பிராணிகள் (பெட்) வளர்ப்பவர்கள் குறித்த நிகழ்ச்சி அது.

- தனுஜா ஜெயராமன்

வழக்கமாக வீடுகளில் ஒன்றிரண்டு நாய் வளர்ப்பவர்களைக் கண்டிருக்கிறேன். பூனை அல்லது கிளி வளர்ப்பவர்களைப் பார்த்தி ருக்கிறேன். ஆனால், இத்தனை பிராணிகளை வளர்க்க முடியுமா? என வியப்பின் எல்லைக்கே சென்றுவிட்டேன்.

ஒருவர் இருபது பாம்புகளை வளர்க்கிறார். பெயர் தெரியாத வெளிநாட்டு பறவைகள், ஆமைகள், ராட்சத பல்லிகள், குரங்குகள் என ஒன்றிரண்டல்ல, இருபது முப்பது வளர்க்கிறார்கள்.