"ఇకపై ఏ సినిమాకీ ఎక్కువ కాల్షిట్లు ఇవ్వను” నిధి అగర్వాల్

2014 లో యమహా ఫాసినో మిస్ దివాలో ఫైనలిస్ట్ అయిన నిధి అగర్వాల్ 2017లో టైగర్ ప్రాఫ్ మున్నా మైఖేల్లో సినిమా అరంగేట్రం చేసింది.

- - సంపత్ బాలకృష్ణ మానేపల్లి

ఈ తొలి సినిమాకే జీ సినీ అవార్డుల్లో ఉత్తమ నటిగా నిలిచింది. 2018లో 'సవ్యసాచి'తో తెలుగు సినిమా పరిశ్రమలోకి ప్రవేశించింది.

సినిమా రంగంలో అడుగు పెట్టిన మొదట నుండీ తన అందంతో కుర్రకారుని అలరిస్తున్న నటనాయిక నిధి అగర్వాల్. ప్రేక్షకులు ఎప్పటి నుండో ఎదురు చూసిన 'హరి హర వీరమల్లు' సినిమా అద్భుత విజయాన్ని నమోదు చేసుకుంది. సినిమా లెక్కలు కూడా పూర్తిగా మారిపోయి ఆబాల గోపాలాన్ని ఆకట్టుకుంది. 'హరి హర వీర మల్లు'లో నిధి అగర్వాల్ పంచమి పాత్ర లో ఎన్నో కోణాల్లో నట విహారం చేసింది. పాత్రకు తగ్గట్లు స్టైలిస్ట్ నిధి అగర్వాల్ దుస్తులు, ఆభరణాల్ని అద్భుతంగా రూపొందించారు.

నిధి అగర్వాల్ మంచి ఆర్టిస్టు, మోడల్, డ్యాన్సర్. పక్కా హైదరాబాదీ అయిన నిధి అగర్వాల్ హిందీ మాట్లాడే మార్వాడి కుటుంబీకు రాలు. బెంగళూరులో పెరిగింది. తెలుగు, తమిళ, కన్నడ భాషల్లో ప్రావీణ్యం ఉంది. నృత్య రూపకాలు, కథక్, బెల్లీ డ్యాన్సుల్లో శిక్షణ పొందింది.

సౌమ్యంగా మాట్లాడే నిధి అగర్వాల్ ఇంటర్వ్యూ విశేషాలను ఇక్కడ ఇస్తున్నాము.

'హరి హర వీరమల్లు' థియేటర్లలో ఘన విజయం సాధించి, ఓటీటీ కి వచ్చి ఇప్పుడు విజయ డంఖా మోగిస్తున్నది. మీరెలా అనుభూతి చెందుతున్నారు?

చెప్పలేనంత ఆనందంగా ఉంది. అమెజాన్ ప్రైమ్లో ఇప్పుడు స్ట్రీమింగ్ అవుతున్నది. ఇక్కడ సైతం వీక్షకులు ఈ సినిమాకి బ్రహ్మ రధం పడుతున్నారు.

ఒక్క సినిమా కోసం 5 సంవత్సరాలు వృత్తి జీవితపు సమయాన్ని సమర్పించారు. ఎలా అనిపిస్తుంది?