ആ കുടുംബത്തിന് നൽകാം ബിഗ് സല്യൂട്ട്

നീണ്ട ദുരിതകാലത്തെ അതിജീവിച്ച് കാക്കിക്കുപ്പായമണിഞ്ഞ നൗജിഷ ഇന്ന് ആത്മവിശ്വാസത്തിന്റെയും മനക്കരുത്തിന്റെയും പ്രതീകമാണ്

-  കെ. വി. കല

2016 മേയ് 10. ആഗ്രഹിച്ച ജീവിതമല്ല മുന്നിലെ ന്ന് തീർച്ചയായപ്പോൾ കൈക്കുഞ്ഞുമായി  ഭർതൃവീട്ടിൽനിന്ന് നൗജിഷ പടിയിറങ്ങിയ ദിവസം. പി.എ സ്.സി. പരീക്ഷയ്ക്ക് പോയതിന്റെ പേരിൽ പൂർണഗർഭിണിയായിരിക്കേ ഭർത്താവിന്റെ അടിയും കുത്തുമേൽക്കേണ്ടി വന്നിട്ടുണ്ട് അവൾക്ക്. അഞ്ചുവർഷങ്ങൾക്കുശേഷം മറ്റൊരു മേയ് 10ന് സർക്കാരിൽ നിന്ന് ആദ്യശമ്പളം കൈപ്പറ്റിയപ്പോൾ തള്ളിവരുന്ന കണ്ണീരടക്കിയവൾ നിറഞ്ഞു ചിരിച്ചു; കാലം തനിക്കായി കാത്തുവെച്ച് യാദൃച്ഛികതയ്ക്കു മുന്നിൽ കൈകൂപ്പിക്കൊണ്ട്.

കോഴിക്കോട് ജില്ലയിലെ കിഴക്കൻ മലയോരഗ്രാമമായ പന്തിരിക്കരയിലെ അരീക്കൽ അബ്ദുള്ളയുടെയും ഫാത്തിമയുടെയും മകളാണ് നൗജിഷ. ഭർത്ത വീട്ടിലെ പീഡനം സഹിക്കവയ്യാതെ ആത്മഹത്യയുടെ വഴിയേ ഒരുവേള അവളും സഞ്ചരിച്ചതാണ്. എന്നാൽ, ചേർത്തുപിടിക്കാനൊരു കുടുംബമുണ്ടായിരുന്നതിനാൽ അവളിന്ന് നമ്മോടൊപ്പമുണ്ട്. സാമ്പത്തികമായി ആവതില്ലെങ്കിലും തിരികെയെത്തിയ മകളെ ഉപ്പയും ഉമ്മച്ചിയും ഭർതൃവീട്ടിലേക്ക് നിർബന്ധിച്ചയച്ചില്ല. മാനാഭിമാനകഥകൾ പറഞ്ഞ് ഗുണദോഷിച്ചില്ല. നജിഷയും കരഞ്ഞിരിക്കാതെ, ജീവിതം തുടരാനുള്ള വഴികളന്വേഷിച്ചു. തൃശ്ശൂർ പോലീസ് അക്കാദമിയിൽ നിന്ന് പരിശീലനം പൂർത്തിയാക്കി പുറത്തിറങ്ങിയ മൂന്നാമത് വനിതാ പോലീസ് ബറ്റാലിയനിൽ ആത്മവിശ്വാസം തുളുമ്പുന്ന ആ മുഖവുമുണ്ടായിരുന്നു. ഒരിക്കൽ തോൽവിയുറപ്പിച്ച ജീവിതത്തിനുമേൽ ഇന്നവൾ ജയിച്ചു നിൽക്കുമ്പോൾ വിധിക്ക് വിട്ടുകൊടുക്കാതെ അവളെ കൂടെ നിർത്തിയ കുടുംബമാണ് ബിഗ് സല്യൂട്ട് അർഹിക്കുന്നത്. മിഥ്യാഭിമാനബോധമില്ലാത്ത, സാധാരണക്കാരിൽ സാധാരണക്കാരായ അവളുടെ മാതാപിതാക്കളിൽ നിന്ന് കേരളത്തിന് പഠിക്കാനേറെയുണ്ട്.

വിയർപ്പിന്റെ ഫലം