രാഹുദോഷം തീരാൻ തിരുവെഴുന്നള്ളത്ത് കാണണം

വെട്ടിക്കോട് ശ്രീനാഗരാജസ്വാമി ക്ഷേത്രം

- ഡോ.വി. വിനയകുമാർ ചുനക്കര

കേരളോൽപ്പത്തിയുമായി അഭേദ്യമായി ബന്ധപ്പെട്ടിരിക്കുന്ന ക്ഷേത്രമാണ് ആദിമൂലം വെട്ടിക്കോട് ശ്രീനാഗരാജസ്വാമി ക്ഷേത്രം. കശ്യപപ ജാപതിക്ക് ജനിച്ച ആയിരം നാഗസന്തതികളിൽ ജ്യേഷ്ഠനും അഷ്ടനാഗസങ്കല്പത്തിൽ പ്രഥമനുമായ അനന്തഭഗവാനെ, വിഷ്ണുവിന്റെ ആറാമത്തെ അവതാരവും ഉഗ്രപ്രഭാവനും തേജോമയനുമായ പരശുരാമൻ ഭൂവിൽ പ്രതിഷ്ഠിച്ച ആദ്യത മാണ് ആദിമൂലം വെട്ടിക്കോട്ട് ശ്രീനാഗരാജസ്വാമിക്ഷേത്രം. ജമദഗ്നി മഹർഷി തപോവനത്തിൽ പുത്രകളത്രാദികളോടു കൂടി ഈശ്വരസേവയുമായി കഴിയുന്ന കാലത്ത്, ഒരിക്കൽ ആ ആശ്രമത്തിൽ അസുരരാജാവായ കാർത്തവീരാർജ്ജുനൻ എത്തി. ആശ്രമത്തിലെ കാമധേനുവിന്റെ സഹായത്താൽ രാജാവിനും പരിവാരങ്ങൾക്കും മൃഷ്ടാനമായ ഭോജ്യം നൽകി മഹർഷി സൽക്കരിക്കുകയും ആദരിക്കുകയും ചെയ്തു.