‘கடல்கட்டி’ நாவலின் பின்புலத்தில் நின்று ஈழத்து முத்துக்குளிப்பு பற்றி ஒரு சிறு தேடல்

2013இல் நிந்தவூரிலிருந்து வெளிவந்த 'கிழக்கிலங்கை நாட்டுப்புற முஸ்லிம்களின் பூர்வீகமும் வாழ்வும் வாழ் வாதாரங்களும்’ என்ற நூலின் ஆசிரியர்எஸ். முத்துமீரான் அரேபியாவிலிருந்து வந்த பட்டாணியர்கள் தமது கப்பல் தரைதட்டியதால் காத்தான்குடியில் தங்கிவிட்டனர் என்கிறார். கலிங்க மன்னரால் முத்துக்குளிப்பதற்காகக் கொண்டு வரப்பட்ட முக்குவர் யாழ்ப்பாணத்தில் இருந்து வந்து மட்டக்களப்பில் குடியேறியதாகவும் குறிப்பிடுகிறார்.

- 

பட்டிருந்தது. அத்துடன், இலங்கையின் முத்துக்குளிப்புத் தொழிலில் இலங்கையின் வடபகுதியைச் சேர்ந்த கரையோரப் பகுதி மக்களுடன் பெருமளவிலான தமிழ் நாட்டுக் கரையோரப் பகுதி மக்களும் ஈடுபட்டிருந்தனர். தமிழகத்தின் பாண்டிநாட்டுக் கரையோரப் பகுதிகள் பண்டைக்காலம் தொட்டே முத்துக்குளிப்புக்குப் பெயர் போனவை. இதனால், தென் தமிழ்நாடு, இலங்கையின் வடபகுதி ஆகியவற்றை உள்ளடக்கிய முத்துக்குளிப்புப் பிரதேசத்தில் இத்தொழில் சார்ந்த பல தமிழ்ச் சொற்கள் புழக்கத்தில் இருந்துள்ளன.

இத்தனை சிறப்புமிக்க ஈழத்து முத்துக்களுக்கு மன்னார் குடாக்கடலே விளைநிலமாக காலம் காலமாக இருந்து வந்துள்ளது. இக்கடல் தழுவிடும் கிராமங்களுள் ஒன்றாகிய சிலாவத்துறைதான் அமரர் எஸ்.எம். கமால்தீனின் 'கடல்கட்டி’ நாவலின் நிகழ்களமாகவும் இருக்கின்றது. இந்நாவல் 'முத்துச் சிப்பி' என்ற பெயரில்இலங்கையில் தினகரன் நாளிதழில் 1972இல் அமரர் சிவகுருநாதன் காலத்தில் தொடராக வெளிவந்திருந்தது. 30 வருடங்களுக்குப் பின்னர் 2003இல் இதை 'கடல்கட்டி' என்ற பெயரில் நூலுருவில் கொண்டு வந்திருந்தார்.

மன்னார் குடாக்கடலினுள் அதிகாலையில் சென்று முக் குளித்து முத்துப்பண்ணைகளை, பவளப்பாறைகளை நாடிச்சுழியோடும் இளைஞர்களுக்கு கடலின் ஆழத்தில் காத்திருக்கும் ஆபத்து ஆட்கொல்லிச் சுறாக்களாகும். இந்தச் சுறாக்களின் பார்வையிலிருந்து தப்பி வெற்றிகரமாக முத்துக்குளித்து கடல்படுக்கையில் காத்திருக்கும் தங்கள் வள்ளங்களுக்கு மீண்டு வந்துகரைசேரும் வரை அவர்களுக்குத் தைரியத்தை வழங்குவது அவர்களின் தெய்வநம்பிக்கையும், அதனோடு தொடர்புபட்ட மாந்திரீக நம்பிக்கையுமாகும். சுழியோடிகளுக்கு சுறாக்களிலிருந்து ஆபத்து நேராதவண்ணம் அவர்கள் முத்துக் குளிக்கும் முத்துப்பண்ணைப்பகுதிகளில் சுறாக்களை வரவிடாது கட்டிப்போடும் மாந்திரீகர்கள், இந்தக்கடல் தழுவிடும் கிராமத்துச் சமூகங்களில் முக்கிய பிரமுகர்களாகக் கருதப்பட்டார்கள். அவர்களின் மந்திரசக்தியின் மீது கிராமத்தவர் வைத்திருக்கும் அசையாத நம்பிக்கையே மீனவர்களுக்குத் தைரியத்தையும், அவர்களை நம்பிக் கரையில் காத்திருக்கும் அவர்களின் குடும்பத்தினருக்கு நிம்மதியையும் தருகின்றது. இத்தகைய மாந்திரீகர்களே 'கடல்கட்டி' எனக் குறிக்கப்படுகின்றார்கள். இத்தகைய ஒரு கடல்கட்டியான ஹபீபுக்கிழவன் தான் இந்தக் கதையின் முக்கிய பாத்திரமாக இருக்கின்றார்.