பங்களாதேஷுடனான சுப்பர் 4 இல் துனித் வெல்லாலகேவின் இலங்கை இறுக்கமான தோல்வி

ஆசிய கிண்ண கிரிக்கெட் தொடரின் சுப்பர் 4 சுற்றின் பங்களாதேஷ் அணிக்கு எதிரான முதலாவது போட்டியில் இலங்கை அணி இறுக்கமான தோல்வியைத் தழுவியது.

- எம்.எம்.சில்வெஸ்டர்

துபாய் சர்வதேச கிரிக்கெட் மைதானத்தில் கடந்த சனியன்று (20) நடைபெற்ற இப்போட்டியில் முதலில் துடுப்பெடுத்தாட இலங்கை அழைக்கப்பட்டது.

இந்நிலையில் முதலில் துடுப்பெடுத்தாட களமிறங்கிய இலங்கை அணிக்கு பெத்தும் நிஸ்ஸங்க (22),குசல் மெண்டிஸ் (34) ஜோடி சிறந்த ஆரம்பத்தை கொடுத்தது. அத்துடன், துடுப்பாட்ட வரிசையில் 5ஆம் இலக்க வீரராக களமிறங்கிய தசுன் ஷானக் அரைச்சதத்தின் உதவியுடன் நிர்ணயிக்கப்பட்ட 20 ஓவர்களில் 7 விக்கெட் இழப்புக்கு 168 ஓட்டங்களை குவித்தது. 18 ஆவது ஓவர் நிறைவில் 153 ஓட்டங்களை பெற்றிருந்த இலங்கை 19 ஆவது ஓவரில் 5 ஓட்டங்களை மாத்திரம் பெற்றுக்கொண்டிருந்ததுடன், 20 ஆவது ஓவரில் 4 பந்துகள் ஓட்டமற்ற பந்துகளாக அமைந்திருந்தமை இலங்கையின் மொத்த ஓட்ட எண்ணிக்கை மேலும் அதிகரித்துக்கொள்வதில் பாதகமான விடயமாக அமைந்திருந்தது.