அரசாங்கத்துக்குள் ஊழல், மோசடிகள் இடம்பெற்றால் சட்ட நடவடிக்கை

அரசாங்கத்துக்குள் ஊழல், மோசடிகள் இடம்பெற் றாலும் அவற்றுக்கெதிராகவும் நடவடிக்கை எடுப்பதில் பின்வாங்கப் போவதில்லை. கொள்கலன் விடுவிப்பு குறித்து விசாரணைகள் முன்னெடுக்கப்பட்டு வருகின் றன. இதில் யார் தவறிழைத்திருந்தாலும் அவர்கள் அர சாங்கத்தை சேர்ந்தவர்களாக இருந்தாலும் சட்டம் உரிய முறையில் நடைமுறைப்படுத்தப்படும் என்று அமைச்சர் சமந்த வித்தியாரத்ன தெரிவித்தார்.

- எம். மனோசித்ரா

கொழும்பில் நேற்றுமுன்தினம் சனிக்கிழமை இடம் பெற்ற நிகழ்வொன்றில் கலந்துகொண்டதன் பின்னர் ஊடகங்களுக்கு கருத்து வெளியிடும் போது இதனைத் தெரிவித்த அவர் மேலும் குறிப்பிடுகையில், போதைப்பொருள் முற்றாக ஒழிக்கப்படவில்லை. தற்செயல் ஆரம்ப அடியை எடுத்து வைத்திருக்கின்றோம். இதில் இறுதிவரை பயணிக்க முடியும். நீதிக்கான உண்மையான சுற்றிவளைப்புக்கள் இப்போது தான் ஆரம்பிக்கப்பட்டுள்ளன. கடந்த காலங்களில் இதற்காக நடவடிக்கைகள் குறிப்பிட்ட ஒரு சமூகத்துக்காக மாத்திரமே முன்னெடுக்கப்பட்டன. ஆனால் தற்போது சட்டம் அனைவருக்கும் சமமாக நடைமுறைப்படுத்தப்பட்டு வருகிறது.