நீதிக்கும் நல்லிணக்கத்துக்குமான திருப்புமுனை

நேர்மை, நீதி மற்றும் பொறுப்புக்கூறும் கடப்பாடு தொடர்பான வாக்குறுதிகளை வாக்காளர்கள் பல தசாப்தங்களாக கேட்டிருக்கிறார்கள்.

- 

ஒவ்வொரு தேர்தலுடனும் வந்த இந்த வாக்குறுதிகள் பெரும்பாலும் ஏமாற்றத்துடன் முடிந்துவிட்டன. விசாரணைகள் தடுமாறி ஆணைக்குழுக்கள் முடிவுக்கு கொண்டு வரப்பட்டன. ஊழலையும் தண்டனையின்மையையும் முடிவுக்கு கொண்டு வருவதாக வாக்குறுதி வழங்கிய அதே தலைவர்களே அந்த ஊழலைச் செய்தவர்களின் அணியில் இணைந்துகொண்டதை நாம் கண்டிருக்கிறோம்.

தேசிய மக்கள் சக்தி அரசாங்கம் அதன் வாக்குறுதிகளையும் நிறைவேற்றுவதில் வெளிக்காட்டுகிறது.

கடப்பாடுகளையும் உறுதிப்பாட்டையும் அரசாங்க வளங்களை தவறாக பயன்படுத்தியதாக குற்றம் சுமத்தப்பட்டிருக்கும் முன்னாள் ஜனாதிபதி ரணில் விக்கிரமசிங்கவின் கைது இதை உணர்த்தி நிற்கிறது.

பொறுப்புக்கூறல் விவகாரத்தில் அரசாங்கம் ஐக்கியப்பட்டுச் செயற்படவில்லை என்று சமூக ஊடகங்களில் ஒரு பிரிவினராலும் அரசியல் கலந்துரையாடல்களிலும் முன்வைக்கப்படுகின்ற எண்ணத்தை அரசாங்கத்தின் சிறந்த தொடர் பாடல்காரரான ஜனாதிபதி அநுரகுமார திசாநாயக்க மறுதலித்திருக்கிறார். அரசியல் விளைவுகளை பொருட்படுத்தாமல் அரசாங்கம் குற்றவாளிகளுக்கு எதிரான நடவடிக்கைகளை தொடர்ந்து முன்னெடுக்கும் என்பதை அவர் தெளிவாகக் கூறியிருக்கிறார்.

முன்னாள் ஜனாதிபதி கைது செய்யப்பட்டமை தொடர்பாக கருத்து தெரிவித்த ஜனாதிபதி திசாநாயக்க, "இந்த வழக்கு அரசியல் ரீதியான நோக்கம் கொண்டதல்ல. எமது கடமையில் இருந்து நாம் பின்போவதில்லை. பொது வளங்களை துஷ்பிரயோகம் செய்தவர்கள் எவராக இருந்தாலும் விளைவுகளுக்கு முகங்கொடுப்பார்கள்" என்று குறிப்பிட்டார். அவரின் இந்தக் கூற்று முன்னைய பல அரசாங்கங்கள் கடந்து செல்வதற்கு பின்வாங்கிய ஒரு கோட்டை வரைந்திருக்கிறது.

இதற்கு மேலதிகமாக, ஆயிரக்கணக்கானோர் காணாமல்போவதற்கு வழிவகுத்த மனித உரிமை மீறல்கள் தொடர்பில் பொறுப்புக்கூறலை உறுதிப்படுத்துவதற்கும் நடவடிக்கைகளை முன்னெடுக்கப்போவதாகவும் இப்போது அரசாங்கம் கூறுகிறது. காணாமல் போனோருக்கான சர்வதேச தினத்தை முன்னிட்டு காணாமல் போனோர் விவகார அலுவலகத்தினால் ஏற்பாடு செய்யப்பட்டிருந்த நிகழ்வொன்றில் உரையாற்றிய சபை முதல்வரும் அமைச்சருமான பிமல் இரத்நாயக்க அந்த மனித உரிமை மீறல்களை எல்லாம் ஆளும் கட்சி அனுபவித்திருக்கிறது என்று கூறினார்.