ஒரு பில்லியன் டொலர் நட்டஈடு வழங்க உத்தரவு

எக்ஸ்பிரஸ் பேர்ள் கப்பல் தீ விபத்து வழக்கில் உயர் நீதிமன்றம் தீர்ப்பு; குற்றவியல் விசாரணைகளுக்கும் பணிப்பு

- எம்.எப்.எம்.பஸீர்

எக்ஸ்பிரஸ் பேர்ள் எனும் சரக்குக் கப்பல், தீ பரவலுக்கு உள்ளான விவகாரத்தில் சம்பவத்தை தடுக்கத் தவறியமை மற்றும் தமது பொறுப்புகளை மறந்து செயற்பட்டமை ஊடாக அப்போதைய விடயத்துக்குப் பொறுப்பான இராஜாங்க அமைச்சர் நாலக கொடஹேவா, சமுத்திர சூழல் பாதுகாப்பு அதிகார சபையின் அப்போதைய தலைவர் சட்டத்தரணி தர்ஷனி லஹந்தபுர, சட்டமா அதிபர் ஆகியோர் மக்களின் அடிப்படை உரிமைகளை மீறியுள்ளதாக உயர் நீதிமன்றம் நேற்று தீர்ப்பளித்தது.

அத்துடன் குறித்த கப்பலில் தீ பரவியமை ஊடாக ஏற்பட்ட சுற்றுச்சூழல் மற்றும் பொருளாதார பாதிப்புகளுக்காக, குறித்த கப்பல் கம்பனி ஒரு பில்லியன் அமெரிக்க டொலரை நட்ட ஈடாக செலுத்த வேண்டும் எனவும் உயர் நீதிமன்றம் கட்டளையிட்டது. அந்த நட்ட ஈட்டுத் தொகை திறைசேரி செயலாளருக்கு கொடுக்கப்படல் வேண்டும் எனவும் நீதிமன்றம் கட்டளையிட்டது.

அத்துடன் இந்தச் சம்பவத்துக்குக் காரணமான அனைவருக்கு எதிராகவும் சி.ஐ.டி. ஊடாக குற்றவியல் விசாரணை செய்து வழக்குத் தொடுக்குமாறும் நீதிமன்றம் சட்ட மா அதிபருக்குக் கட்டளையிட்டது. இதனைவிட இந்தச் சம்பவத்தில் உள்ள சில விடயங்களை மையப்படுத்தி விசாரணை ஒன்றை முன்னெடுக்க இலஞ்ச ஊழல் விசாரணை ஆணைக்குழுவுக்கும் நீதிமன்றம் உத்தரவிட்டது.

எக்ஸ்பிரஸ் பேர்ள் எனும் சரக்குக் கப்பல், தீ பரவலுக்கு உள்ளான விவகாரத்தில் பொறுப்புக் கூற வேண்டிய முன்னாள் இராஜாங்க அமைச்சர் நாலக கொடஹேவா, சட்டமா அதிபர் உட்பட மூவர் அடிப்படை உரிமைகளை மீறியதாக அறிவிப்பு

அனைத்து தரப்பினருக்கு எதிராகவும் சட்ட நடவடிக்கை எடுக்கக் கோரியும், இதனால் பாதிக்கப்பட்ட மீனவர்களுக்கு தலா 5 இலட்சம் ரூபா வீதம் இழப்பீட்டை பெற்றுத் தருமாறு கோரியும் தாக்கல் செய் அடிப்படை உரிமை மீறல் மனுக்கள் மீதான விசாரணை நிறைவு பெற்ற நிலையில் அதன் தீர்ப்பு நேற்று அறி விக்கப்பட்டது.

யப்பட்ட பிரதம நீதியரசர் முர்து பெர்னாண்டோ, நீதியரசர்களான யசந்த கோதாகொட, ஷிரான் குணரத்ன, அச்சல வெங்கப்புலி மற்றும் பிரியந்த பெர்னாண்டோ ஆகியோர் அடங்கிய நீதியரசர்கள் அமர்வு 361 பக்கங் களைக் கொண்ட இந்த தீர்ப்பை ஏகமன தான தீர்ப்பாக அறிவித்தது.