வவுனியா, வெடிவைத்தகல்லு கிராம பிரிவில் ஆயிரம் ஏக்கர் அடர் வனப்பகுதியை பெரும்பான்மை இனத்தவர்கள் அழித்து ஆக்கிரமிப்பு

ரவிகரன் எம்.பி.யின் தலையீட்டினால் தடுத்து நிறுத்தம்; காடழிப்பில் ஈடுபட்டவர்களுக்கு எதிராக சட்ட நடவடிக்கை

- (பாலநாதன் சதீசன்)

வவுனியா, வெடிவைத்தகல்லு கிராம அலுவலர்பிரிவை அண்டியபகுதியில் பெரும்பான்மை இனத்தவர்கள் 1000 ஏக்கர் வரையில் காடுகளை அழித்து ஆக்கிரமிக்க எடுத்த முயற்சி வன்னி மாவட்ட பாராளுமன்ற உறுப்பினர் துரைராசா ரவிகரனின் தலையீட்டையடுத்து தடுத்து நிறுத்தப்பட்டுள்ளது.

அத்துடன் ரவிகரன் எம்.பி. நேற்று முன்தினம் வனவளத் திணைக்களம், மகாவலி அதிகார சபை அதிகாரிகள் ஆகியோரை சந்தித்து வலியுறுத்திய தற்கமைய காடழிப்பில் ஈடுபட் ஈடுபட்டவர் களுக்கெதிராக சட்டநடவடிக்கை மேற் கொள்ளப்பட்டுள்ளது.

களவிஜயத்தைத் தொடர்ந்து ரவிகரன் எம்.பி. நெடுங்கேணி வனவளத்திணை க்கள உத்தியோகத்தரிடம் அடர்வனங் கள் பாரியளவில் அழிக்கப்பட்டமை க்கு நடவடிக்கை எடுக்குமாறு வலியுறுத்திய நிலையில், திரிவைத்தகுளம் பகுதியும் அதனை அண்டியுள்ள அடர்வனங்கள் அழிக்கப்பட்டுள்ள பகுதியும் மகாவலி அதிகார சபைக்குரி யது என வனவளத் திணைக்கள உத்தி யோகத்தரால் தெரிவிக்கப்பட்டது.