உலக சாதனை நடத்திய பிரதமர் மோடி

பிரதமர் மோடியின் தலைமையில் நடைபெற்ற யோகா நிகழ்வு உலக சாதனையை ஏற்படுத்தியுள்ளது.

- 

குஜராத் மாநிலம் சூரத்தில் கடந்த 2023 ஆம் ஆண்டு நடைபெற்ற யோகாசன நிகழ்ச்சியில் 1.47 இலட்சம் பேர் பங்கேற்றனர். இது உலக சாதனையாக இருந்த நிலையில், இந்த சாதனையை நேற்று முன்தினம் நடைபெற்ற விசாகப்பட்டினம் யோகா தின நிகழ்ச்சி முறியடித்துள்ளது. இதன்மூலம் புதிய கின்னஸ் உலக சாதனை படைக்கப்பட்டுள்ளது. இந்த நிகழ்ச்சியில் பிரதமர் மோடி பேசியதாவது, கடந்த 2014ஆம் ஆண்டு ஐ.நா. சபையில் பேசியபோது, ஆண்டுதோறும் ஜூன் 21ஆம் திகதி உலக யோகா தினம் கடைப்பிடிக்கலாம் என்று யோசனை கூறினேன். எனது கருத்துக்கு 175 நாடுகள் ஒருமித்த கருத்துடன் ஆதரவு அளித்தன. இது உலகளாவிய ஒற்றுமைக்கான அரிய நிகழ்வு. எனது யோசனையை ஐ.நா. சபை ஏற்றுக்கொண்டது. அதைத் தொடர்ந்து, கடந்த 2015ஆம் ஆண்டு முதல் உலக யோகா தினம் கொண்டாடப்பட்டு வருகிறது.