கிரியா யோகா

உள் அமைதியை தூண்டும் ரகசியம்

- 

சர்வதேச யோகா தினத்தையிட்டு ஒரு காணிக்கை"பிரபஞ்ச உணர்வின் ரகசியம், நமது சுவாசக் கட்டுப்பாட்டுடன் நெருங்கிய தொடர்புடையது 2025 ஆம் ஆண்டு என்பதை பண்டைய யோகிகள் கண்டுபிடித்தனர்." பரமஹம்ச யோகானந்தர்

2014 ஆம் ஆண்டு ஐக்கிய நாடுகள் சபையால் ஏற்றுக்கொண்டதிலிருந்து, ஒவ்வொரு ஆண்டும் ஜூன் 21 ஆம் தேதி, அனைத்து தரப்பு மக்களும் சர்வதேச யோகா தினத்தின் பதாகையின் கீழ் ஒன்றுபடுகிறார்கள். இது, யோகாவின் ஆரோக்கியம், நல்லிணக்கம் மற்றும் நல்வாழ்வின் முழுமையான நன்மைகளை ஊக்குவிக்கும் பண்டைய இந்திய பாரம்பரியத்தைக் கொண்டாடுவதற்கான உலகளாவிய முயற்சியாகும். நவீன யோகா பெரும்பாலும் உடல் நெகிழ்வுத்தன்மை மற்றும் உடற்தகுதியுடன் தொடர்புடையது என்றாலும், அதன் உண்மையான வேர்கள் உணர்வு மற்றும் சுய உணர்தலின் ஆழமான பகுதிகளில் உள்ளன.

இந்த ஆண்டு, மதிப்பிற்குரிய யோகி பரமஹம்ச யோகானந்தாவால் உலகளவில் புத்துயிர் பெற்ற புனிதமான ஆன்மீக அறிவியலான கிரியா யோகாவின் மீது நாம் கவனத்தை ஈர்க்கிறோம்.

கிரியா யோகாவின் சாராம்சம்

கிரியா யோகா என்பது மேம்பட்ட பிராணயாமம் (உயிர் சக்தி கட்டுப்பாடு), தியானம், சரியான வாழ்க்கை முறை மற்றும் உள் பக்தியுடன் இணைக்கும் ஒரு முறையான ஆன்மீக பாதையாகும். உடல் ஆசனங்களில் கவனம் செலுத்தும் பிற யோகா பயிற்சிகளைப் போலல்லாமல், கிரியா யோகா, நம் உள்ளிருக்கும் தெய்வீகத்தின் நேரடி அனுபவத்துடன் தொடர்புடையது. இது நமது உள்நோக்கிய பயணத்தை மட்டுமல்லாமல் மனதின் ஏற்ற இறக்கங்களை அமைதிப்படுத்துதல் மற்றும் 'நான்' எனும் ஆணவம் (ego) மற்றும் உடலின் வரம்புகளுக்கு அப்பால் விழிப்புணர்வை விரிவுபடுத்துதலையும் வலியுறுத்துகிறது.

19 ஆம் நூற்றாண்டின் மிக முக்கியமான ஆன்மீக பிரமுகர்களில் ஒருவரான பரமஹம்ச யோகானந்தர், மேற்கில் தனது நிரந்தர வீட்டை அமைத்துக் கொண்ட முதல் சிறந்த இந்திய குரு ஆவார். உலகளாவில் பரவலாகப் பாராட்டப்பட்ட ஆன்மீக உன்னதமான அவரது மைல்கல் படைப்பான, "ஒரு யோகியின் சுயசரிதை" (Autobiography of a Yogi', தமிழ், சிங்களம் உட்பட 50 க்கும் மேற்பட்ட மொழிகளில் மொழிபெயர்க்கப்பட்டுள்ளது. இது கொடுக்கணக்கான மக்களை, யோகா தியானத்தின் ஆன்மீகக் கொள்கைகளுக்கும் உலகெங்கிலும் உள்ள அனைத்து மதங்களின் அடிப்படையிலான உலகளாவிய உண்மைகளுக்கும் அன்றும் இன்றும் அறிமுகப்படுத்தி வருகிறது.