மினாவில் ஹாஜிகளின் பாதுகாப்பிற்கான சவூதி அரசின் சிறப்பான ஏற்பாடுகள்

இஸ்லாத்தின் ஐந்தாவது கடமையான ஹஜ் கடமையை நிறைவேற்றச் சென்ற ஹாஜிகளுக்கு சவூதி அரசாங்கம் பல்வேறு வசதி வாய்ப்புகளை வருடாந்தம் மேற்கொண்டு வருகிறது. அந்த வகையில், இந்த வருடம் ஹஜ் கடமையை நிறைவேற்றச் சென்ற ஹாஜிகளின் பாதுகாப்பை உறுதி செய்ய, சவூதி அரேபிய அரசு மினாவில் பல்வேறு ஏற்பாடுகளை மேற்கொண்டிருந்தது. அவற்றைச் சுருக்கமாக பின்வருமாறு நோக்கலாம்.

- 

மினா முகாம்களின் மேற்கொள்ளப்பட்டிருந்த தண்ணீர் மற்றும் கழிப்பறை வசதிகள்

இவ்வாண்டு மினா முகாம்கள் வெப்பத்தை எதிர்த்து தாங்கக்கூடிய, தீயெதிர்ப்பு உபகரணங்களினால், குளிரூட்டப்பட்ட முகாம்களாக மாற்றப்பட்டிருந்தன. அதேபோன்று மினா முழுவதும் சுமார் 10,000 கழிப்பறைகள், RO தண்ணீர் எனப்படும் Reverse Osmosis (தலைகீழ் ஒஸ்மோசிஸ்) முறையில் சுத்திகரிக்கப்பட்ட குடிநீர் மையங்கள் உருவாக்கப்பட்டுள்ளன. தண்ணீர் வீண் விரயமாவதைத் தடுக்க சூரிய சக்தி அடிப்படையிலான கட்டுப்பாட்டு அமைப்புகளும் நிறுவப்பட்டிருந்தன.

பாதுகாப்பு நடவடிக்கைகள்

சவூதி அரேபியாவின் உள்துறை அமைச்சகம் (MOI) தலைமையில் பாதுகாப்புத் திட்டம் செயல்படுத்தப்பட்டுள்ளது. 100,000க்கும் அதிகமான பாதுகாப்புப் பணியாளர்கள் நியமிக்கப்பட்டுள்ளதுடன் பாதுகாப்பு வீரர்கள் அனைத்துப் பகுதிகளிலும் 24 மணி நேரம் கண்காணிப்புப் பணிகளில் ஈடுபடுத்தப்பட்டுள்ளதுடன் முக்கிய இடங்களில் AI உதவியுடன் முகம் அடையாளம் (Facial Recognition Cameras) காணும் நவீன கண்காணிப்பு அமைப்புகள் பொருத்தப்பட்டிருந்தன. அத்துடன் கூட்டம் திரளும் பகுதிகளை மேல்நோக்கிக் கண்காணிக்க ட்ரோன்கள் (Drones Surveillance) பயன்படுத்தப்பட்டிருந்தன.

மருத்துவ வசதிகள்