అత్యంత ఖరీదైన ఉపగ్రహం

రూ.5,800 కోట్లు లేదా 1.50 బిలియన్ అమెరికా డాలర్ల వ్యయంతో, ప్రపంచంలోనే అత్యధిక ఖరీదైన 'నాసా ఇస్రో సింథటిక్ ఎపర్చర్ రాడార్' (నిసార్ NISAR) ఉపగ్రహ ప్రయోగానికి సిద్ధమవుతున్నాయి.

- యేన్ చంద్రశేఖర్

டூ మెరికా అంతరిక్ష పరిశోధనా సంస్థ, నాసా, భారత " అంతరిక్ష పరిశోధనా సంస్థ, ఇస్రో సంయుక్తంగా భూమి ఉపరితలం, కాలక్రమంలో దాని మార్పులను అధ్యయనం చేసే లక్ష్యంతో దాదాపు రూ.5,800 కోట్లు లేదా 1.50 బిలియన్ అమెరికా డాలర్ల వ్యయంతో, ప్రపంచంలోనే అత్యధిక ఖరీదైన 'నాసా ఇస్రో సింథటిక్ ఎపర్చర్ రాడార్' (నిసార్ NISAR) ఉపగ్రహ ప్రయోగానికి సిద్ధమవుతున్నాయి. భూమి ఉపరితలం ఎలా కదులుతుందో, ఈ కదలిక సహజ ప్రమాదాలు, వాతావరణ మార్పు మరియు ఇతర ప్రక్రియలతో ఎలా సంబంధం కలిగి ఉందో అర్థం చేసుకోవడానికి ఈ మిషన్ సహాయపడుతుంది.

భూగోళం మారుతున్న ఉపరితలాన్ని క్షుణ్ణంగా అధ్యయనం చేసే శక్తివంతమైన కొత్త అమెరికా భారత ఉపగ్రహం, నిసార్ నుండి లభించే సమాచారం భూకంపాలు, అగ్నిపర్వతాలు, కొండచరియలు విరిగిపడటం, అలాగే మౌలిక సదుపాయాలకు నష్టం వాటిల్లడం వంటి దృగ్విషయాల గురించి మన అవగాహనను మెరుగు పరుస్తుంది. నాసా, భారత అంతరిక్ష పరిశోధనా సంస్థ (ఇస్రో)లు సంయుక్తంగా మార్చి 2025లో నిసార్ ఉపగ్రహాన్ని ప్రయోగించే అవకాశం ఉంది. ఇది ప్రతి 12 రోజులకు రెండు సార్లు దాదాపు భూగ్రహం, మంచు ఉపరితలాలను స్కాన్ చేయడం, భూగోళంపై పర్యావరణ వ్యవస్థలు సముద్రపు మంచులో మార్పులు, హిమానీ నదాలు, మంచు పలకల కదలికలు, ప్రకృతి వైపరీత్యాల సమయంలో భూమి సమతౌల్యంలో సంభవించే మార్పులు లాంటి అంశాలను నిశితంగా అధ్యయనం చేస్తుంది. నిసార్ ఉపగ్రహం భారతదేశ ఆగ్నేయ తీరంలోని సతీష్ ధావన్ అంతరిక్ష కేంద్రం నుండి ప్రయోగించేలా ప్రణాలికలు సిద్ధమవుతున్నాయి.

నిసార్ ప్రయోగం గురించి..