పట్టు బిగిస్తున్న విష వైరస్ లు!

జలుబు, దగ్గు, పడిశం గురించి తెలుగులో ఒక సామెత బహుళ ప్రచారంలో ఉంది. మందులు వాడితే ఏడు రోజుల్లో తగ్గుతుంది.వాడకపోతే వారం రోజులలో తక్కువ అవుతుంది. ఏదైనా ఒకటే కదా!

- బండారు రామ్మోహన రావు

అందుకే జలుబు, దగ్గు, పడిశం గురించి మనం పెద్దగా ఆందోళన పడం కానీ కోవిడ్-2019 వచ్చిన తర్వాత పాత జలుబుకి మనకు కొత్త భయాలు ఏర్పడ్డాయి. ఏది ఏదైనా మహాకవి గురజాడ అప్పారావు ఏనాడో కొన్ని సంవత్సరాల క్రితం 'కన్యాశుల్కం' నాటకంలో రాసినట్లుగా అనుభవానికి వస్తే కానీ తత్వం పడదు కదా! కోవిడ్ 19 మనకు జీవితం అంటే ఏమిటి? అనే విషయంలో పాఠాలు, ఎన్నో గుణపాఠాలు నేర్పింది. కోవిడ్ 19 మొదటి దశలో ప్రపంచవ్యాప్తంగా అన్ని అభివృద్ధి చెందిన దేశాలలో ఎక్కువ మంది మరణించారు. మన భారతదేశంలో మాత్రం మొదటి దశలో ఎక్కువ మరణాలు సంభవించలేదు కానీ రెండవ దశ 2020-21లో వచ్చిన సందర్భంగా ఎక్కువ ప్రాణ నష్టం జరిగింది. దాంతో చిన్న జలుబు చేసినా కూడా మనం భయపడే పరిస్థితి ఏర్పడింది. ఆ క్రమంలోనే కొత్తగా 2024 సంవత్సరం చివర్లో మన దేశంలోకి ప్రవేశించిన హెచ్ఎంపివి వైరస్ మనల్ని అంతగా భయపెడుతోంది. ఇప్పటికే ప్రపంచ ఆరోగ్య సంస్థ డబ్ల్యుహెచోతో పాటు మనదేశంలోని ఆరోగ్య శాఖ సంక్రమిత వ్యాధుల నివారణకు పని చేసే ఆరోగ్య సంస్థలు పరిశోధకులు కూడా హెచ్ఎంపివితో ఎక్కువగా భయపడాల్సిన అవసరం లేదని మనకు భరోసా ఇస్తున్నాయి. కానీ కోవిడ్ 19తో దెబ్బతిన్న ప్రాణం కదా.. ఆహార, మైదానాలు ప్రకృతిలోని 84 లక్షల జీవరాసులకు ఉన్నట్లే మనకూ ఉన్నాయి కనుక భయపడుతున్నాం.

ఇంతకుముందే చెప్పుకున్నాం. హెచ్.ఎం. పీవీ. అంటే హ్యూమన్ మెటాప్సీ వైరస్. నిజంగా ఇది ప్రాణాంతకమేనా లేక అదేదో సినిమాలో చెప్పినట్లు గుండెలో చిన్న హోల్ అని తీసిపారేసేదేనా అని మనం ఆలోచించాలి. శ్వాస కోస వ్యాధులు సాధారణంగా విస్తృతమైన భయాందోళనకు కారణం అవుతాయి. ప్రజలు పెద్దగా ఆందోళన చెందకుండానే ఈ వైరస్ ను నియంత్రించగలరని భారత ఆరోగ్య సంస్థ చెబుతుంది. అందుకనే భారత ప్రభుత్వం వ్యాధి వ్యాప్తి చెందకుండా కొన్ని జాగ్రత్తలను ప్రకటించింది. అందులో ముఖ్యంగా గతంలో