రాజ భోగాల రైలు

భా రతదేశంలోని తొలి విలాసవంతమైన రైలుగా ఖ్యాతినార్జించిన ట్రైన్ ప్యాలెస్ ఆన్ వీల్స్. చక్రాలపై పరుగులు తీసే రాజసౌధంలో ప్రయాణం స్వర్గ సౌఖ్యాలు చవిచూచిన అనుభూతి కలగక మానదు.

- షేక్ అబ్దుల్ హకీం జాని

భా రతదేశంలోని తొలి విలాసవంతమైన రైలుగా ఖ్యాతినార్జించిన ట్రైన్ ప్యాలెస్ ఆన్ వీల్స్. చక్రాలపై పరుగులు తీసే రాజసౌధంలో ప్రయాణం స్వర్గ సౌఖ్యాలు చవిచూచిన అనుభూతి కలగక మానదు. ఈ ప్రత్యేక రైలును రాజస్థాన్ టూరిజం డెవలప్మెంట్ కార్పొరేషన్, భారతీయ రైల్వేల సహకారంతో విలాసవంతమైన పర్యటనకు శ్రీకారం చుట్టారు. భారతదేశంలోని అత్యుత్తమ విలాసవంతమైన రైళ్లల్లో ఇది ఒకటి. కోటలు నిర్మించుకోవడం ధనవంతులకే సాధ్యపడుతుంది. కోటికి పడగెత్తక పోయినప్పటికీ లక్షలు గడిస్తే చాలు అటువంటి కలలు సాకారం చేసుకునే మార్గం ఉంది. అదే ప్యాలెస్ ఆన్ వీల్స్, ఇందులో ప్రవేశించిన వారికి మహారాజా, రాణి వారికి ఎలాంటి సేవలు అందుతాయో అవన్నీ లక్షలున్న ప్రతి వ్యక్తి కూడా పొందొచ్చు. రాచరిక మర్యాదలతో పాటు కోరుకున్న ఆహార పానీయాలు, డ్రింక్స్, హంసతూలికా తల్పాలు, వ్యక్తిగత సహాయకులు ఇత్యాది అనేక సౌకర్యాలన్నీ ఈ రైలులో అందుబాటులో ఉంటాయి. తలపాగలు ధరించి రాజస్థానీ సంప్రదాయంలో, బాజా బజంత్రీలు, పూలమాలలతో ప్రయాణికులకు స్వాగతం పల్కుతారు. రాజస్థాన్లో పర్యాటక రంగాన్ని ప్రోత్స హించేందుకు భారతీయ రైల్వే ప్రారంభించిన ప్యాలెస్ ఆన్ వీల్స్ ఇప్పటికీ అగ్రస్థానంలో ఉంది. ఈ రైలులో ఆరు రాత్రులు, వారం రోజులు పగలు ప్రయాణం చేయొచ్చు. ఈ పర్యటనను గోల్డెన్ ట్రయాంగిల్ టూర్ అంటారు. ఈ లగ్జరీ రైలులో రాజస్థాన్తో పాటు ఉత్తరప్రదేశ్లోని పలు నగరాలను వారం రోజుల్లో సందర్శించవచ్చు. ఈ రైలులోని రెండు రెస్టారెంట్లలో భారతీయ ఆహారంతో పాటు రాజస్థానీ, మెఘలాయ్, చైనీస్, థాయ్, మెక్సికన్ వంటకాలు అందుబాటులో ఉంటాయి.

మొదటి రోజు: ప్యాలెస్ ఆన్ వీల్స్ ఆదివారం ఉదయం 7:30 గంటలకు ఢిల్లీ రైల్వేస్టేషన్ నుంచి బయలుదేరి మధ్యాహ్నం 3:30 గంటలకు జైపూర్ చేరుకుంటుంది. మధ్యాహ్నం భోజనం కూడా రైల్లోనే ఏర్పాటు చేస్తారు.ణ తర్వాత మహారాజా ఎక్స్ప్రెస్లోనే డిన్నర్ ఏర్పాట్లు చేస్తారు.

రెండోరోజు: రెండో రోజు జైపూర్ సిటీ ప్యాలెస్, సెయింట్ ఆల్బర్ట్ మ్యూజియం, పింక్ ప్యాలెస్, జంతర్ మంతర్, చారిత్రాత్మక అంబర్ ప్యాలెస్ సందర్శన ఉంటుంది.