జరిగేది జరుగుతుంది..

ఊళ్ళో ఒకడున్నాడు. అతను ఓ మామూలు మనిషే. అతని దగ్గర ఓ జట్కా ఉంది.

- యామిజాల జగదీశ్

ఊళ్ళో ఒకడున్నాడు. అతను ఓ మామూలు మనిషే. అతని దగ్గర ఓ జట్కా ఉంది. అదే అతని జీవనాధారం. దానికో గుర్రం. అది బక్క గుర్రం. జట్కా కూడా గుర్రానికి తగినట్టే ఉండేది. విరిగిపోయిన : జట్కా. ఎప్పుడది మూలన పడుతుందో తెలీని స్థితి. ఆ పాత గుర్రబ్బండినే అతను నెమ్మదిగా రోజులు : లాక్కుస్తోన్నాడు.

ఓరోజు అతను ఆ బండి మీదే

ఎక్కడికో వెళ్ళి తిరిగొస్తున్నాడు. అలా వస్తున్న మార్గంలో గుర్రం కాలు తడబడి కింద పడిపోయింది. కాలు విరిగింది.

ఊళ్ళో ఉన్న వారందరూ విషయం తెలిసి జాలిపడ్డారు. అయ్యో పాపం..

అనుకున్నారు. అతనిని ఓదార్చారు. కానీ అతనేమీ బాధ పడలేదు. అతని ముఖాన విచారమేమీ కనిపించలేదు.

జరిగేది జరుగుతుంది అనుకుంటూ అతను వెళ్ళిపోయాడు.

ఊరి ప్రజలకు ఆశ్చర్యం! ఏమిటీ? గుర్రం కాలు విరిగినప్పటికీ అతనేమీ బాధ పడలేదని.

అతని ప్రశాంతత...

నెమ్మది... సీరియస్ గా తీసుకోకపోవడం అందరినీ ఆశ్చర్యానికి గురి చేసింది.

అతనెలా ఉన్నప్పటికీ సన్నిహితులు కొందరు అడవికి వెళ్ళి కొత్తగా ఓ గుర్రాన్ని పట్టుకుని అతనికి కానుకగా ఇచ్చారు.