ముగురు దొంగలు

అతను ధనవంతుడు. ఒకసారి ఓ అడవి మార్గంలో పోతున్నాడు.

- 

అతను ధనవంతుడు. ఒకసారి ఓ అడవి మార్గంలో పోతున్నాడు. అతనిని ముగ్గురు దొంగలు చూశారు. అటూ ఇటూ ఎవరూ లేరు. కనుక దొంగలు ఊరుకుంటారా? అదే అనువైన సమయమనుకుని అతనిని

చుట్టుముట్టారు. నీ దగ్గర ఏముందో బయటకు తియ్యి, మర్యాదగా ఇచ్చేయి. లేకుంటే జరిగేదే " వేరు” అని దొంగలు బెదిరించారు.

అయితే ధనవంతుడికి ప్రాణమే గొప్పది. ఉన్నతమైంది. కనుక తన దగ్గరున్నదంతా దొంగలకు ఇచ్చేసాడు.

దొంగలు అతని నుంచి సర్వస్వం తీసుకుని ఇక అక్కడి నుంచి పారిపోవాలనుకున్నారు. అయితే ముగ్గురిలో ఒకడి ఆలోచన వేరేగా ఉంది.

"అతనిని అలాగే విడిచిపెడితే లాభమేమిటీ? చంపేస్తే ఓ పనైపోతుందిగా" అనుకుని తన దగ్గరున్న కత్తి బయటకు తీశాడు.

అతనిని పొడవటానికి సిద్ధపడ్డాడు.

ఇది మరొక దొంగ అది చూశాడు. తన తోటి దొంగకు అడ్డుపడ్డాడు.

“వద్దు.. అతనిని విడిచిపెట్టేద్దాం. తన దగ్గరున్నదంతా ఇచ్చేశాడుగా. అతనిని చంపడం వల్ల మనకేమి లాభం? అతని చేతులు, కాళ్లు కట్టేసి ఇక్కడే ఓ "మూల పడేద్దాం" అన్నాడతను.

"ఇదేదో బాగానే ఉందిగా అనుకున్నాడు" చంపేద్దామనుకున్న దొంగ.

ముగ్గురు కలిసి అతని కాళ్లు, చేతులు ఓ తాడుతో కట్టేశారు. ఆ తర్వాత ఓ పక్కన పడేసి వెళ్లిపోయారు.