పులి అత్యాశ

కథ

- - పుల్ల సంతోష్

ఒక ఆవు దారిదప్పి అడవిలోకి వెళ్లింది.ఎంత ప్రయత్నించినా బయటకు రావడానికి దారి కనిపించలేదు. అలా మెల్లగా దొరికిన గడ్డిని, ఆకులు తింటూ ముందుకు సాగింది. కొంతదూరం వెళ్లాక ఒక కొలను కనిపిస్తే కడుపునిండా నీరు తాగింది.అప్పుడు ఒక పులి ఆవును గమనించి మెల్లగా ఆవు దగ్గరికి వచ్చింది. పులిని చూసిన ఆవు ప్రాణభయంతో వెనుకకు పరిగెత్తడానికి ప్రయత్నించింది కానీ, అక్కడ ఒక ముసలి నక్క అడ్డంగా నిలబడింది. ముందు నుయ్యి వెనుక గొయ్యి అన్నట్టు అయింది ఆవు పరిస్థితి.'ఈరోజు నాకు చావు తప్పదు' అని మనసులో అనుకుని అలా భయపడుతూ నిలబడింది. పులి ఆవుతో 'ఈరోజు నిన్ను చంపకుండా వదలను.కొద్ది రోజులుగా నేను వేటకు వెళ్లడం లేదు. వెతకబోయిన తీగ కాలికి తగిలినట్టు నువ్వు దొరికావు' అని చెప్పింది.వెనుక నుండి ముసలినక్క 'నాకు కూడా కొంచెం ఉంచండి పులిరాజా! నాకు ఇప్పుడు వేటాడే బలం లేదు. ఎవరో వేటాడి తిని వదిలిన