పుచ్చకాయ తినేద్దామా!

వాటర్ మెలన్ ఒకటి తెచ్చుకుంటే ఎంచక్కా ఇంటిల్లిపాది అందరూ తినొచ్చు. ఈ పండు వేసవిలో డీహైడ్రేషన్ బారినపడకుండా కాపాడుతుంది

- 

ఈ సీజన్లో మామిడి తర్వాత అధికంగా కనిపించే పండు పుచ్చకాయ. వాటర్ మెలన్ ఒకటి తెచ్చుకుంటే ఎంచక్కా ఇంటిల్లిపాది అందరూ తినొచ్చు. ఈ పండు వేసవిలో డీహైడ్రేషన్ బారినపడకుండా కాపాడుతుంది. సాధారణంగా వేసవిలో మార్కెట్ను ముంచెత్తే పుచ్చకాయలు ఇప్పుడు అన్ని సీజన్లలోనూ అందుబాటులో ఉంటున్నాయి. ఈజిప్టులో 5వేల ఏళ్లక్రితం మొదటిసారి పుచ్చకాయలు సాగుచేసినట్టు ఆధారాలు ఉన్నాయి. పుచ్చకాయ విత్తనాలను 12వ ఈజిప్షియన్ రాజవంశీయుల కాలంలో, కింగ్ టుటన్ మెన్ సమాధి దగ్గర కనుగొన్నారు. ఆ కాలం నాటి రకరకాల పుచ్చకాయల పెయిం టింగ్లు సైతం లభించాయి. ఈ ఆధారాలతోనే పుచ్చకాయ వేల ఏళ్ల క్రితం నుంచి ఉన్నట్లు నిర్ధారించారు. వర్తకుల ద్వారా ఈ పండు యూరప్ దేశాలకు, ఆ తరువాత చైనా, ఆసియా దేశాలకు విస్తరించింది.