CAને 1.97 કરોડનો ચૂનો લગાવનાર ગેંગનો સાગરિત સુરતથી ઝડપાયો

હીરાનું કામ કરતા ફેનિલના ખાતામાં 1.06 કરોડ કેવી રીતે આવ્યા તેની તપાસ ચાલુ

- 

અમદાવાદના ચાર્ટર્ડ એકાઉન્ટન્ટને શેરબજારમાં રૂપિયા રોકી વધુ નફો કમાવી આપવાની લાલચ આપી સાયબર ગઠિયા 1.97 કરોડનો ચૂનો લગાવી ગયા હતા. આ પ્રકરણમાં ચાર્ટર્ડ એકાઉન્ટન્ટના 1,06 કરોડ રૂપિયા સુરતના ફેનિલ વિનુભાઇ ગોધાણીના ખાતામાં જમા થયા હતા. જેને પગલે અમદાવાદ સાયબર ક્રાઇમ બ્રાંચની ટીમે તેને સુરતથી ઝડપી લીધો છે. તેની પૂછપરછમાં ઘણી લિન્ક મળી છે અને વધુ બે સાગરિતો સુધી પોલીસ પહોંચી પણ ગઇ છે. પ્રાથમિક તપાસમાં જ આ સમગ્ર કૌભાંડ મેલેશિયાથી ઓપરેટ થતું હોવાની વિગતો મળતાં પોલીસે વધુ તપાસ શરૂ કરી છે.