અમદાવાદના દિવ્યાંગ અને 85 વર્ષથી વધુના 2640 મતદારોનું ઘરેથી મતદાન

અમદાવાદ જિલ્લામાં 85 વર્ષ કરતા વધુ વયના 51 હજાર જેટલા મતદારો, 30 હજાર કરતા વધુ દિવ્યાંગ મતદારો છે 5 મે સુધી ઘરેથી મતદાનની કાર્યવાહી ચાલશે, અમદાવાદના 3477 મતદારોએ ઘરેથી મતદાન માટે ફોર્મ ભર્યા

- 

લોકસભાની ચૂંટણીને લઈને અમદાવાદમાં અત્યાર સુધીમાં 85 વર્ષથી વધુ વયના, શતાયુ અને દિવ્યાંગ કુલ 2640 મતદારોએ ઘરે બેઠા પોસ્ટલ બેલેટથી મતદાન કર્યું છે. જિલ્લા ચૂંટણી તંત્ર દ્વારા ફોર્મ-12 D ભરનારા 3477 85 વર્ષથી વધુ વયના, શતાયુ અને દિવ્યાંગ મતદારો માટે પોતાના ઘરેથી મત આપી શકે તેવી વ્યવસ્થા ઊભી કરાઈ છે. આગામી 5 મે સુધી તેમના ઘરે જઈને મતદાનની પ્રક્રિયા પૂર્ણ કરવામાં આવશે. અમદાવાદ જિલ્લામાં કુલ 51 હજારથી વધુ 85 વર્ષથી વધુ વયના અને શતાયુ મતદારો તથા 30 હજાર કરતા વધુ દિવ્યાંગ મતદારો છે.