ઊંઝા પંથકમાં તસ્કરો બેફામ બન્યા કરણપુર, રણછોડપુરા, દાસજમાં ચોરીઓ

રણછોડપુરા અને કરણપુરની દૂધ ડેરીમાંથી 2.75 લાખની મત્તા ચોરાઈ

- 

ઊંઝા તાલુકાના સિદ્ધપુર, વિસનગરના એકજ રૂટ પર આવેલા દાસજ, રણછોડપુરા, કરણપુર, દેણપ, કાજીઆલિયાસણા સહિત અડધો ડઝન ગામડાઓમાં આવેલી દૂધસાગર ડેરી, પાર્લરો અને મેડિકલ સ્ટોરને તસ્કરોએ નિશાન બનાવી તરખાટ મચાવી રોકડ રકમ સહિતની ચોરી કરી લઈ જવાનો બનાવ બનવા પામ્યો છે. આ અંગે રણછોડપુરા અને કરણપુર દૂધ મંડળીના પ્રમુખ દ્વારા ઊંઝા પોલીસ સ્ટેશનમાં ફરિયાદ નોંધાવતાં પોલીસે તસ્કરોને પકડવા ચક્રો ગતિમાન કર્યા છે.