இருதய நிலக் கோட்பாடும் ரஷ்யாவின் அணு ஆயுத அரசியலும்

உலகில் கேட்கும் சத்தங்கள் அனைத்தும் யுத்தங்களின் வெளிப்பாடாகவே அமைகிறது. சர்வதேச அமைப்புகளும் சட்டங்களும் உலக அமைதிக்காக வேண்டி உருவாக்கப்பட்டன. ஆனால் அவற்றை மையமாகக் கொண்டு முரண்பாடுகள் வளர்ந்து அவை யுத்தமாக பரிணமிக்கின்றன. இந்நிலையில் இயல்பு நிலையை மீட்டெடுக்க பல தரப்புக்கள் முயற்சி செய்தும் தோல்வியடைகின்றனர். இது பற்றிய தேடலும் ஆய்வும் அரசியலில் விஞ்ஞான ரீதியாக அமைய வேண்டும். அவற்றுக்கு உறுதுணையாக சர்வதேச அரசியல் கோட்பாடுகளில் மிக முக்கியமான ஒன்றாக உள்ளது.

- 

புவியியல் இயற்கையாகவே ஒரு அரசியல் இருப்பை கொண்டுள்ளது எனக் கூறும் புவிசார் அரசியல் கோட்பாட்டாளர்கள் அதற்குரித்தான அதிகாரத்தையும் வெளிப்படுத்த தவறவில்லை. இது பற்றி அதிகம் அறிவியலைத் தந்தவர்களாக ஐரோப்பிய புவியியலாளர்களே உள்ளனர்.

இருபதாம் நூற்றாண்டில் இங்கிலாந்தைச் சேர்ந்த புவியியலாளரான ஹால்போட் மாக்கின்டர் (Halford Mackinder) புவிசார் அரசியல் குறித்த கோட்பாடுகளை முன்வைத்தார். இவை உலகில் அதிகார போட்டியை ஆரம்பித்து வைத்தது. மாக்கிண்டர் முன்வைத்த மைய நிலக் கொள்கையின் விருத்தியாக 1919 இல் முன்வைக்கப்பட்ட இருதய நிலக் கொள்கையைக் காணலாம். மறுபுறமாக ரஷ்யா அணு ஆயுத அரசு என்று வலிமையை இன்றைய உலகில் முக்கியத்துவம் வாய்ந்த ஒரு முக்கிய அதிகார மையமாக உள்ளது. இதுவே உலகின் போக்கை நகர்த்திக் கொண்டிருக்கிறது என்ற கருப்பொருள் தவறாக இருக்க முடியாது. இவ்வாறான ஒரு சூழலில் இந்நிகழ்வுகள் சார்ந்த கோட்பாடுகள் குறித்த அறிவியல் ரீதியான புரிதல் அவசியமானது என்பதை இக்கட்டுரை உணர்த்த முயலுகிறது.