தமிழீழ வைப்பகத்தில் இருந்து மீட்கப்பட்ட தங்க நகைகளை உரியவர்களிடம் ஒப்படைக்க நடவடிக்கை எடுக்கவும்

யுத்த காலத்தில் தமிழீழ வைப் பகத்தில் இருந்து மீட்கப்பட்ட தங்க நகைகளை அரசாங்கம் வழங்கிய வாக்குறுதிகளுக்க மைய முறையான பொறிமுறை களை தயாரித்து உரியவர்களிடம் ஒப்படைக்க விரைவில் நடவ டிக்கை எடுக்க வேண்டும் என்று இலங்கை தமிழரசுக் கட்சி பாரா ளுமன்ற உறுப்பினர் கவீந்திரன் கோடீஸ்வரன் தெரிவித்தார்.

- 

பாராளுமன்றத்தில் நேற்று வியாழக்கிழமை நடை பெற்ற கறவை மாடு இறக்குமதி செயற்திட்டத்தின் மூன் றாம் கட்டத்தின் ஐஐ ஆம் பகுதியின் கீழ் 15,000 கறவை மாடுகளை இறக்குமதி செய்வதற்கான முற்பணம் வழங் குதல் தொடர்பான 2025.05.21 அன்று பாராளுமன்றத் திற்கு சமர்ப்பிக்கப்பட்ட விசேட கணக்காய்வு அறிக்கை மற்றும் பத்தாவது பாராளுமன்றத்தின் முதலாவது கூட் டத்தொடருக்கான 2025.06.04 அன்று பாராளுமன்றத்திற்கு சமர்ப்பிக்கப்பட்ட அரசாங்க பொறுப்பு முயற்சிகள் பற் றிய (கோப்) குழுவின் இரண்டாவது அறிக்கை மீதான ச பை ஒத்திவைப்பு விவாதத்தில் உரையாற்றுகையிலேயே இவ்வாறு தெரிவித்தார்.

இதன்போது அவர் மேலும் தெரிவிக்கையில்,

இந்த நாட்டில் மிகவும் முக்கியமான துறையாக பால் உற்பத்தி உள்ளது. இந்த பால் உற்பத்தியில் மூன்றில் ஒரு பகுதியையே உள்நாட்டில் பெற்றுக்கொள்ள முடியுமாக இருக்கின்றது. எஞ்சிய இரண்டு பகுதி பால் உற்பத்தியை வெளிநாடுகளில் இருந்தே கொள்வனவு செய்யப்படு கின்றது. இந்நிலையில் அம்பாறை மாவட்டத்திலுள்ள வட்டமடு கால்நடை மேய்ச்சல் தரை பிரதேசம் மற்றும் மட்டக்களப்பு மாதவனை மேய்ச்சல் தரை பகுதியும் இன் னும் பண்ணையாளர்களுக்கு விடுவிக்கப்படவில்லை. அதனால் பண்ணையாளர்கள் மிகவும் கஷ்டப்படும் சூழ்நிலை காணப்படுகின்றது.