சிறுகோரிக்கை நடுவர் மன்ற வழக்குகளின் சுருக்கவுரைகளை வழங்கும் ‘ஏஐ’ சாதனம்

சிறுகோரிக்கை நடுவர் மன்றங்களில் தங்கள் வழக்குகளைத் தாங்களாகவே பிரதிநிதிப்போருக்குக் கைகொடுக்கவிருக்கிறது புதிய ஆக்கமுறை செயற்கை நுண்ணறிவுச் (GenAI) சாதனம்.

- இளவரசி ஸ்டீஃபன்

நீதித்துறையின் இந்த 'ஏஐ' சாதனத்தால் நீண்ட ஆவணங்களின் சுருக்கவுரையை தனி மனிதர்கள் பெற இயலும்.

வாதி, பிரதிவாதி என இரு தரப்பும் ஒப்புக்கொண்டால் S$20,000 (US$15,600) அல்லது S$30,000 வரையிலான உரிமைகோரல்களைப் பெறக்கூடிய சிறுகோரிக்கை நடுவர் மன்றங்களில் வழக்கு தொடுப்போர் வழக்குகளைப் பற்றிய தங்கள் புரிதலை மேம்படுத்தவும், அவர்களின் நீதிமன்ற ஆவணங்களைத் தயாரிக்கவும் இந்தச் சாதனத்தைப் பயன்படுத்தலாம்.