புலன் கடந்த புலக்காட்சியில் தொலையுணர்வு

உளவியலாளரான BerholdSchwark MD நெருங்கியவர்களுள் டெலிபதி சக்தி இருக்கும் என நம்பினார்.

- நடராசா கோபிராம், உளவியல் சிறப்புக்கலை மாணவன், யாழ். பல்கலைக்கழகம்.

இதனால் இவர் தனக்கும் தனது மனைவிக்கும் தனது இரு மகன்களுக்கும் இடையே உள்ள டெலிபதி அனுபவங்களைத் திகதியுடன் குறித்து வைத்தார்.

இவர் எட்டு ஆண்டுகளில் கிட்டதட்ட 1,500க்கு மேற்பட்ட தெளிவான டெலிபதி உணர்வுகள் ஏற்பட்டதாகக் குறிப்பிடுகின்றார்.

Mental communication என அழைக்கப்படும் இது Brain waves இனை வைத்துப் புரிதல் மூலம் இடம்பெறுகின்றது. இது எல்லா நேரமும் நடப்பதில்லை ஊடகம், தகவல் தொடர்பு சாதனங்களில் ஆக்கிரமிக்கப்பட்ட இவ்வுலகத்தில் அதிசயிக்கும் தொடர்பாடல் வடிவமாக டெலிபதி மனித மூளை மற்றும் ஆன்மாவுடனான தொடர்பாடல் என்று வரையறுக்கப்படுகின்றது. ஆழ்மன உதவியுடன் மனித மற்றும் பிற உயிரினங்களுடன் தொடர்பு கொள்ளும் முறையாக இது காணப்படுகின்றது.

டெலிபதி நிகழ்வுகள் சாதாரணமான வாழ்வில் நிறைய நடக்கின்றன. இதில் மன எண்ணம் மற்றும் கருத்துகள் மிக நெருக்கமானவர்களிடம் பரிமாற்ற பயன்படுகிறது. தாய், தந்தை, பிள்ளை, சகோதரர், நெருங்கிய நண்பர்கள், உறவு நிலையில் இப்போது இது நிறையவே பயன்படுத்தப்பட்டுள்ளது.