விசேட தேவையுடைய குழந்தைகளின் கற்றலில் உளவியல் உந்துதல்கள்

மன உந்துதல்கள் என்பது ஒருவரின் நடத்தையைத் தூண்டவும், வழிநடத்தவும், நிலைநிறுத்தவும் செய்யும் ஒரு உளவியல் செயல்முறையாகும். இது உளவியல் தேவை, விருப்பம், ஆசை அல்லது இலக்கு ஆகியவற்றின் வெளிப்பாடாக இருக்கலாம். விசேட தேவையுடைய குழந்தைகள், சவால்களை எதிர்கொண்டாலும், வலுவான மன உந்துதலுடன் சிறப்பாகக் கற்கவும், தனிப்பட்ட வளர்ச்சியை அடையவும் முடியும்

- வே.வதுஸ்சன், உளவியல் சிறப்பு கலை, யாழ். பல்கலைக்கழகம்.

விசேட தேவையுடைய குழந்தைகள் என்பது உடல், உளவியல், அறிவுசார் அல்லது உணர்ச்சிசார் குறைபாடுகள் கொண்டவர்களைக் குறிக்கிறது. இவர்களின் கற்றல் செயல்முறைகள் சாதாரண குழந்தைகளிடமிருந்து வேறுபடுகின்றன. அவர்களுக்குச் சவால்கள் அதிகமாக இருப்பதால், அவர்களைக் கற்பிக்கவும், அவர்களின் திறன்களை வளர்க்கவும் சிறப்பு அணுகுமுறைகள் தேவை. இந்தச் சூழலில், உளவியல் உந்துதல்கள் ஒரு சக்திவாய்ந்த கருவியாகச் செயல்படுகின்றன. இது குழந்தைகளை ஆர்வத்துடனும், உறுதியுடனும் கற்றலில் ஈடுபடுத்த உதவுகிறது.

உளவியல் உந்துதல்கள் என்பது உள் உந்துதல் மற்றும் வெளி உந்துதல் எனப் பிரிக்கலாம். உள் உந்துதல் என்பது ஒரு செயலை அதன் உள்ளார்ந்த திருப்திக்காகச் செய்வது, அதே சமயம் வெளி உந்துதல் என்பது ஒரு செயலை வெளிப்புற வெகுமதிகளைப் பெறுவதற்காகச் செய்வதாகும். விசேட தேவையுடைய குழந்தைகளின் கற்றலுக்கு இந்த இரண்டு வகையான உந்துதல்களும் மிகவும் முக்கியம்.

மன உந்துதல்கள் எவ்வாறு விசேட தேவையுடைய குழந்தைகளின் கற்றலை மேம்படுத்துகின்றன என்பதைப் புரிந்துகொள்ள, நாம் சில முக்கிய விடயங்களை ஆராய வேண்டும். அதற்கிணங்க,

ஆர்வத்தைத் தூண்டுதல்:

மன உந்துதல்கள் குழந்தைகளை புதிய விடயங்களைக் கற்றுக்கொள்ளவும், தங்கள் திறன்களை வளர்த்துக் கொள்ளவும் ஆர்வமூட்டுகின்றன. உதாரணமாக, ஒரு குழந்தைக்கு ஒரு விளையாட்டில் ஆர்வம் இருந்தால், அதனை அவர்கள் விடாமுயற்சியுடன் கற்றுக்கொள்வார்கள்.

விடாமுயற்சியை வளர்த்தல்:

கற்றல் சவால்களை எதிர்கொள்ளும்போது, மன உந்துதல் குழந்தைகளை முயற்சி செய்யத் தூண்டுகிறது. அவர்கள் தோல்விகளைச் சந்திக்கும்போது மீண்டும் முயற்சி செய்து தங்கள் இலக்குகளை அடைய உதவுகிறது.

சுயமரியாதையை அதிகரித்தல்:

குழந்தைகள் ஒரு இலக்கை அடைந்து வெற்றி பெறும்போது அது அவர்களின் சுயமரியாதையை அதிகரிக்கிறது. இது அவர்களுக்குத் தன்னம்பிக்கையை அளித்து மேலும் கற்கவும், சாதிக்கவும் உதவுகிறது.

சமூகத் திறன்களை மேம்படுத்துதல்: