இன்றைய உலகத்தை மாற்றும் இளைஞர்களின் பங்கு

ஒவ்வொரு மனித சமுதாயத்தின் வளர்ச்சிக்கான சக்தி, கனவுகளால் மட்டுமல்ல அந்தக் கனவுகளை செயலாக்கும் இளைஞர்களால் தான் அமைகிறது. உலக அளவில் இளைஞர்களின் சமூக, பொருளாதார, அரசியல் பங்களிப்பை முன்னிறுத்தும் வகையில், ஒவ்வொரு ஆண்டும் ஆவணி-12 அன்று உலக இளைஞர் தினம் (International Youth Day) August 12 கொண்டாடப்படுகிறது. இது ஐக்கிய நாடுகள் சபையால் 1999 ஆம் ஆண்டு அறிவிக்கப்பட்டது.

- நடராசா கோபிராம், உளவியல் சிறப்புக்கலை மாணவன் , யாழ்ப்பாணம் பல்கலைக்கழகம்.

உலக இளைஞர்களின் எதிர்பார்ப்பு, சவால்கள், சமூக பங்களிப்பு போன்றவற்றைப் பொதுவாக உலகம் அறியச் செய்தல் தான் இதன் முக்கிய நோக்கம். மேலும், இளைஞர்கள் எதிர்நோக்கும் வேலைவாய்ப்பு குறைபாடு, கல்வி வாய்ப்புகள், பாலின சமத்துவம், மன அழுத்தம், அரசியல் புறக்கணிப்பு போன்றவற்றில் விழிப்புணர்வை ஏற்படுத்தும் நோக்கத்துடன் இத்தினம் நோக்கப்படுகிறது.

உலகளவில் சுமார் 1.8 பில்லியன் இளைஞர்கள் உள்ளனர் (வயது 10-24). அவர்களில் பெரும்பாலானோர் வளர்ந்து வரும் நாடுகளில் வாழ்கிறார்கள்.

UNESCO மற்றும் ILO அறிக்கைகள் இளைஞர்கள் அதிகரித்த வேலைவாய்ப்பு துறைகளில் திறன் மற்றும் பயிற்சி தேவை என வலியுறுத்துகிறது.

இளைஞர்கள் எதிர்கொள்ளும் முக்கிய சவால்கள்

வேலைவாய்ப்பு பற்றாக்குறை ILO (International Labour Organization) 2024 அறிக்கை படி, உலகளவில் இளைஞர் வேலைவாய்ப்பு இல்லாதவர்களின் வீதம் 13% ஆகும். அதே சமயம், வேலைக்காக தற்காலிக வேலைகள் (Gig Economy) மற்றும் தற்செயல் வேலைகள் (Informal Jobs) அதிகரித்து வருவதால், இளைஞர்களுக்கு பங்கு பெறும் தொழில் துறை நிலை தடுமாறுகிறது. உதாரணமாக, Covid-19 பின்விளைவாக பல இடங்களில் இளைஞர் வேலை வாய்ப்பு பாதிக்கப்பட்டது; இந்தியாவில் மட்டும் 2022ஆம் ஆண்டில் இளைஞர் வேலைவாய்ப்பு 5% குறைந்தது.