ஜப்பான் தொடர்ந்தும் ஆதரவு

கண்ணிவெடி அகற்றும் பணிகளுக்கு

- 

இலங்கையின் வடக்கு கிழக்கு பகுதிகளில் கண்ணிவெடி அகற்றும் மனிதநேய திட்டத்துக்கு ஜப்பான் தொடர்ந்தும் தமது ஆதரவை வழங்க முன்வந்துள்ளது. இதற்கான உடன்படிக்கை அண்மையில் கைச்சாத்திடப்பட்டது.

இதில், KAMOSHIDA Naoaki Chargé d' Affaires ad interim, கண்ணிவெடி ஆலோசனைக் குழு (MAG) மற்றும் ஹாலோ அறக்கட்டளையுடன் (Halo Trust) அடிமட்ட மனித பாதுகாப்பு திட்டங்களுக்கான உதவி (GGP) திட்டத்தின் கீழ் இரண்டு கண்ணிவெடி அகற்றும் திட்டங்களுக்கான மானிய ஒப்பந்தங்களில் கையெழுத்திட்டார்.

இந்த புதிய இரண்டு கண்ணிவெடி அகற்றும் திட்டங்களுக்கும் மொத்தமாக 900,000 USS ( .270 மில்லியன்) ஜப்பான் அரசாங்கம் வழங்கியுள்ளது. 2002ஆம் ஆண்டு முதல் இலங்கையில் கண்ணிவெடி அகற்றும் நடவடிக்கைகளுக்கு ஜப்பான் தொடர்ந்தும் நன்கொடை வழங்கி வருகிறது. மேலும், ஜப்பானின் மொத்த உதவித் தொகை 47 மில்லியன் அமெரிக்க டொலர்களைத் தாண்டியுள்ளது.

MAG மற்றும் HALOவின் இந்தத் திட்டங்கள் வடக்கு மற்றும் கிழக்கு மாகாணங்களில் மொத்தம் 13,000 பயனாளிகளுக்கு மீள்குடியேற்றம் மற்றும் மேம்பட்ட வாழ்வாதார உதவிக்கு பங்களிக்கும் என்று எதிர்பார்க்கப்படுகிறது.

உள்நாட்டு யுத்ததால் பாதிக்கப்பட்ட பகுதிகளின் அபிவிருத்தி இலங்கைக்கான ஜப்பானின் உத்தியோகபூர்வ அபிவிருத்தி உதவி முன்னுரிமைப் பகுதிகளில் ஒன்றாகும்.