தென்னக்கோன் விவகாரம்: குறுக்கு விசாரணைக்கு தினந்தோறும் கூட முடிவு

பொலிஸ் மா அதிபர் ரி.எம்.டபிள்யூ. தேசபந்து தென்னக்கோன் தனது பதவித் தத்துவங்களைப் பாரதூரமான வகையில் துஷ்பிரயோகம் செய்தமை தொடர்பில் விசாரணை செய்து அதன் வெளிப்படுத்தல்களை அறிக்கையிடுவதற்காக

- 

நியமிக்கப்பட்ட விசாரணைக் குழுவில், கலந்துரையாடப்பட்டதை அடுத்து, சட்டமா அதிபர் திணைக்களத்தைப் பிரதிநிதித்துவப்படுத்தும் பிரதிநிதிகள் மற்றும் பிரதிவாதியான பொலிஸ்மா அதிபர் தரப்பு ஆகிய இரண்டு தரப்பினராலும் உடன்பாடுகள் சிலவற்றுக்கு இணக்கப்பாடு எட்டப்பட்டது.

உயர்நீதிமன்ற நீதியரசர் பி.பி.சூரசேனவின் தலைமையில் மற்றும் நீதிபதி டபிள்யூ.எம்.என்.பி. இத்தவல மற்றும் தேசிய பொலிஸ் ஆணைக்குழுவின் தலைவர் எம்.ஈடபிள்யூ.

எம் லலித் ஏக்கநாயக்க ஆகியோரை உறுப்பினர்களாகக் கொண்ட விசாரணைக்குழு பாராளுமன்றத்தில் புதன்கிழமை (28) கூடிய போதே இந்த உடன்பாடுகள் சிலவற்றுக்கு இணக்கம் ஏற்பட்டது.