'Rubberkoeëls vlieg in Kalbaskraal'

'n Klein en stil dorpie buite Malmesbury het weens bendegeweld in 'n oorlogsone ontaard.

- 

Nigel Booysen (23) is voorverlede Sondagaand (9 November) in bendegeweld doodgeskiet.

Kalbaskraal, die landelike dorpie naby Malmesbury, het verlede naweek in 'n bloedbad ontaard toe bendelede glo vir die soveelste keer met vuurwapens onder mekaar losgebrand het.

Inwoners sê geweld en moord vier al vir langer as 'n jaar hoogty in hul dorp, te midde van pogings om die misdadigers vas te trek.

Lede van die polisie se eenheid vir openbare orde, in samewerking met die Malmesbury-polisie, het verlede Maandag en Dinsdag (10 en 11 November) op Kalbaskraal toegesak in 'n poging om die huidige bendegeweld in dié dorp aan te spreek. Dít nadat die lewe van nóg 'n jong mens die vorige aand (9 November) weens bendeverwante misdaad geëis is.