Swartlanders in gesogte bundel

Twee inwoners en skrywers van die Swartland se inskrywings het die 2025Stellenbosch-Woordfeeskortverhaalbundel gehaal.

- 

Anna-Bet Stemmet van Malmesbury en Herman Jonker van Riebeek-Kasteel se kortverhale is vanjaar deel van 22 verhale wat vir publikasie in die tiende Stellenbosch-bundel gekies is.

Die eerste bundel, Bly, het in 2016 verskyn. Sedertdien het agt ander soortgelyke bundels die lig gesien. Ál nege bundels is baie goed deur skrywers en die leserspubliek ondersteun en ook gunstig deur kritici ontvang.

Die ervare uitgewersredakteur Suzette Kotzé-Myburgh is sedert die eerste Woordfeeskortverhaalbundel die sameroeper van die keurderspaneel. Volgens haar is die kortverhaalbundel uniek in dié opsig dat nuwe en gevestigde skrywers op gelyke voet meeding. Die keuring geskied volkome anoniem en daarom is die speelveld vir alle deelnemers werklik gelyk. "Aan die begin van dié projek was die feesdirekteur, Saartjie Botha, se visie om met elke bundel 'n oes kortverhale te versamel wat as 'n soort literêre jaarboek sal dien en iets van die spesifieke tydsgees weerspieël. Dit het ons as samestellers nog telkens gevind - dat 'n kerntema te midde van 'n bonte versameling temas uitstaan en wat verskillende skrywers as hul onderwerp gekies het sonder dat hulle enige voorskrifte oor 'n tema gehad het"

Dié projek lê Botha na aan die hart.