జాబిల్లిపై త్వరలోనే అడుగుపెడతాం.. చంద్రయాన్-5పై ఇస్రో కీలక అప్డేట్

చంద్రునిపై ఇస్రో భవిష్యత్తులో చేపట్టబోయే పరిశోధనలపై ఇస్రో గుడ్ న్యూస్ ప్రకటించింది.

- 

చంద్రునిపై ఇస్రో భవిష్యత్తులో చేపట్టబోయే పరిశోధనలపై ఇస్రో గుడ్ న్యూస్ ప్రకటించింది. చంద్రయాన్-4 లాంచింగ్ కాకముందే తర్వాత ప్రయోగం గురించి కీలక ప్రకటన వెలువరించింది. చంద్రునిపై అధ్యయనం చేయడానికి ప్రతిష్ఠాత్మకమైన చంద్రయాన్-5 మిషన్కు కేంద్రం ఆమోదం తెలిపినట్లు ఇస్రో చైర్మన్ వి. నారాయణన్ వెల్లడించారు. భారత అంతరిక్ష పరిశోధనా సంస్థ (ఇస్రో) చైర్మన్గా బాధ్యతలు స్వీకరించిన సందర్భంగా ఆయన గౌరవార్థం చెన్నైలో ఏర్పాటు చేసిన ఓ కార్యక్రమంలో మాట్లాడుతూ.. చంద్రయాన్ ప్రయోగాలపై కీలక వివరాలు తెలిపారు. చంద్రయాన్-5 మిషన్కు కేంద్రం ఆమోదం తెలిపిందని.. జపాన్ సహకారంతో ఈ ప్రతిష్టాత్మక ప్రాజెక్టు చేపడుతున్నట్లు ప్రకటించారు.