Heidelberg groet twee groot geeste

Die dorp is in rou gedompel nadat twee van sy groot geeste binne vier dae weens natuurlike oorsake oorlede is.

- Clive Pretorius

Pastoor Jason Riddles (47) en Lloyd Davids (68) was albei boorlinge van Heidelberg, maar het onderskeidelik in Swellendam en Worcester gewoon.

Op sosiale media word albei as liefdevolle en passievolle mense beskryf wat 'n blywende indruk op die gemeenskappe waarin hulle geleef en gewerk het, gemaak het.

Riddles, 'n geordende pastoor en stigter van Cornerstone International Ministries in Swellendam, is Vrydag 29 Mei n#b 'n lang stryd met sy gesondheid oorlede.

Riddles het n#b sy vertrek uit Heidelberg vir die departement van justisie en die Swellendam-munisipaliteit gewerk voordat hy hom voltyds aan die bediening toegewy het.